法拉飾演嘅高級督察Madam Jo因為之前嘅陰影，搞到開唔到槍，爭啲執行唔到任務。好彩Laughing Sir教咗佢兩個方法：打機同倒豎蔥。打機華仔可以理解丫，因為好多人壓力大時都會打機，釋放返晒啲負能量出嚟，之不過，乜原來倒豎蔥都得？

 

華仔細個上體育堂時，最驚就係倒豎蔥，又危險又考平衡力，所以一知道Laughing同法拉要做嘅時候，都有啲擔心。點知，原來佢兩個都好有天份，再加埋佢哋自己平時會自己練習定，去到開鏡時一般都係一Take過，認真犀利！除咗一次──

 

嗰次係喺遊戲機中心入面，拍嗰幾日天氣都唔係咁好，所以個地下跣跣地，一take過嘅紀錄就打破咗喇。好彩法拉無受到傷，更加好彩嘅係，呢段NG仲喺度，華仔就將佢放出嚟喇！

 

希望大家睇呢段NG時，感受到《潛行狙擊》一班演員嘅傾力演出啦！

 

（P.S.屋企嘅小朋友千祈唔好亂學呀，佢哋係經過長時間嘅訓練先做到架！）

 

（按圖睇片）