|
黃金視窗：阿佘刁蠻秘笈狠
蘋果日報2010-09-26
無綫熱爆劇集《公主嫁到》本周便進入結局周，相信各擁躉既期望又依依不捨，飾演刁蠻昭陽公主的佘詩曼，表現令人讚不絕口，氣勢之勁令她有望憑該劇再封視后。阿佘日前接受訪問，強調能演活刁蠻角色，並非本身有港女公主病，而是一鼓作氣豁出去，好要好到盡，奸要奸到盡，刁蠻要刁蠻到盡，當然也多得眾演員配合，才能讓她發揮得淋漓盡致。 撰文：卓寶花
佘詩曼近年拍劇的叫座力絕對稱得上是無綫女藝人之冠，每逢劇集出街，觀眾對她均有讚無彈，是次在《公主嫁到》中也不例外，她飾演刁蠻的昭陽公主絕對令人拍爛手掌，連阿佘也覺得該角色算是演藝事業中的一大突破。對於《公》劇收視大捷，入行多年的阿佘坦言已不太理會收視，最重要的還是做好演員本份、做好自己的角色，她日前接受訪問說：「我家唔會太去理收視，若然收視好當然開心，但我覺得演員最重要做好自己每套劇嘅角色，已經係對觀眾最好嘅回報。」
笑陳豪表情衰
近年不少劇集播出後因收視高企而重拍新結局，阿佘說：「今次結局已經係一個最開心嘅結局，已經再冇第二個更圓滿嘅結局，我同陳豪合作過幾套劇，今次係最有火花令觀眾咁受落，可能之前幾套都太認真同沉重，今次就好新鮮，我都估唔到陳豪可以演喜劇演得咁好，雖然自己拍喜劇唔多，但都希望畀到觀眾新鮮感。」
阿佘表示劇中與金家上下有不少對手戲，每次均可帶動到自己，她說：「因為每次都搞到我火起寸番佢哋，其中有幕講佢哋三兄弟喺我面前放屁，嗰場真係好好笑。」她猶讚陳豪和關菊英抵死出色：「今次同陳豪合作，大家撞埋一齊真係好抵死，佢嘅表情好夠衰好抵死，有時講嘢仲專登走音。至於菊姐，有幕佢一口氣鬧衰人丁財旺（李國麟飾），覺得佢好鬼馬，估唔到佢可以做到咁。」
傳緋聞助投入
演員中，阿佘和陳豪對手戲最多，彼此也相當合拍：「我哋當然會照劇本去演，但好多時都會臨時發揮，其實都係見招拆招。」自 97年入行後，阿佘很容易與男拍檔傳緋聞，今次連名草有主的陳豪也難逃一劫，阿佘說：「有時傳緋聞未必唔係好事，令觀眾更加投入劇集當中嘅一段情。」
通常一齣劇女演員多，就不免有不和傳聞，阿佘慶幸今次例外，未有是非之餘，反與陳法拉成為好友，她說：「我同法拉第一次合作，因為大家性格都好爽直同好男仔頭，所以冇乜是非。其實今次拍劇個個都 NG，我嘅對白都好快，完全鬧人唔使本，唔使經大腦就鏟埋去，自己都有呢種感覺，法拉都係死記台詞，佢已經好叻。」
一齣《公主嫁到》，阿佘除了贏得觀眾愛戴，還贏得了跟陳法拉的友誼。資料圖片
昭陽公主刁蠻惡死，阿佘演來得心應手，莫非現實中的她也有公主病？阿佘強調自己絕不刁蠻，更沒有公主病，但絕對可以一輪嘴罵人。問她會否介意扮刁蠻角色？她說：「我絕對唔介意，演戲就係要演得夠立體，每次演出都唔會有保留，做好人就要好到盡、奸就要奸到盡、刁蠻就要刁蠻到盡，絕對唔可以煞掣，演得半桶水就唔好。」
最欣賞羅嘉良
阿佘演喜劇廣獲好評，她開心之餘，更希望可以多拍喜劇：「好想可以再演喜劇，好過演悲情戲，我拍喜劇唔多，之前同黃子華合作過一套，家就同陳豪，絕對可以畀到人新鮮感。」入行 10多年，猶記得阿佘初入行曾被批評演技差和雞仔聲，到今時今日貴為視后，她體會到凡事不能一步登天：「我只係覺得日子過得好快，咁就 10幾年，令我覺得真係凡事都唔可以一步登天，一路要磨練自己，到目前我都拍咗四、五十部戲，除非本身唔長進，唔去留意新鮮事物，如果唔係你都會知道點去應對同處理，呢啲嘢真係要活學活用。我覺得無綫係一間速成學校，不過對於將來，真係順其自然。」
阿佘與男藝員合作無數，當中她最欣賞羅嘉良，她說：「雖然我只係同佢拍過一套劇，但好深刻，令我轉變好大，佢係一個好識帶對手演戲嘅人，呢樣嘢真係好重要。」
幕後勞苦 梅小青：喊住嚟做笑劇
繼《宮心計》後，監製梅小青再找來原班人馬拍攝古裝喜劇《公主嫁到》，與其說該劇是《宮》劇延續，倒不如說是《溏心風暴之家好月圓》和《宮心計》的混合體更貼切。日前監製梅小青、與《公主嫁到》編審關頌玲和梁敏華接受訪問，也認同說：「呢齣有宮廷鬥爭，又有家庭倫理，仲想帶畀觀眾一個訊息，就係黃金雖然乜都買到，但親情同愛情就買唔到。」
三好精神效尹志強
梅小青表示上次《宮心計》中劉三好（佘詩曼飾）的「說好話、做好事、存好心」，是她在佛堂體會出來，《公》劇中金家的拍手掌，也是來自佛堂，她說：「現實中尹志強就係有三好精神嘅人，之後我去佛堂做義工，啲人好有節奏咁拍手掌，令我好感動。原來呢啲叫『愛的鼓勵』，我哋想宣揚一家人互相扶持嘅訊息，所以專登加落去。」
《公》劇大玩押韻和口頭禪，編審關頌玲和梁敏華不諱言是想凸顯每個人物的性格，營造更輕鬆氣氛。至於金家三兄弟阮兆祥、陳豪和黃浩然押韻押出癮，自行在對白加工，不但得到監製讚賞，更獲加重戲份，梅小青說：「我哋本來唔係句句對白都押韻，但佢哋跟足之餘仲加以提升，將冇押韻嗰啲押埋，甚至唱埋出嚟，大家都覺得效果好笑，平時我唔會畀人郁我啲劇本，今次好例外。既然佢哋咁夾，就決定加重喺佢哋身上。」劇中黃浩然除衫練功晒胸肌一幕，原來是女編審提出，編審關頌玲說：「佢練咗好多年（肌肉），又照燈，我哋話唔好嘥，叫佢一於除衫啦。」
提到男女主角陳豪和佘詩曼，梅小青大讚表現出色，是劇中最搞笑的男女演員，梅小青說：「陳豪做過好多喜劇，但佢今次特別好。佘詩曼就做到不慍不火，比起上次佢做《絕代商驕》更進步。」
為大龍鳳做到氣咳
喜劇背後，卻是監製、編審和編劇的嘔心瀝血和淚水，梅小青說：「真係做到壓力爆煲、好崩潰，自己控制唔到係咁喊。壓力係個期要趕住拍，要畀劇本演員去熟讀，但劇本又未趕到，因為又要押韻又要好笑，兩、三集要有一個大龍鳳，一集又要有幾個中龍鳳同小龍鳳，入面每一個細節又要 check清楚，寫劇本晚晚寫到 4、 5點，星期六、日又冇假放，真係喊住嚟做笑劇。」關頌玲也說：「大家都曾經喊過，無論體力同精神，每個人都做到超晒支。」
採訪：戴彩煥 | 
狗仔卡
发表于 2010-9-26 09:26:20
收藏
顶
踩
提升卡
置顶卡
沉默卡
喧嚣卡
变色卡
显身卡
发表于 2010-9-26 19:14:38
最爱的两个女人
发表于 2010-9-26 17:16:59
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)