法网寻拉（杂七杂八内容汇总）

falafan

東方新地：讀者報料：見過法拉同佢男朋友,2個人係圓方食飯...我同佢打招呼,點知佢望左我一眼，好勉強咁笑左一下...


wing wing, on September 16th, 2011 at 1:46 am Said:
早排見過法拉同佢男朋友,2個人係圓方食飯
大家一樣等緊帶位入去, 本身我唔認得佢, 無咩點望其他人
直至臨入餐廳, 我終於望到佢, 就拎出我最大既勇氣,想同佢打招呼
之前我未試過同藝人say hi，　一直都覺得如果佢地唔應我咪好”魚”
當日唔知何來既咁大勇氣，會同佢打招呼
點知佢望左我一眼，好勉強咁笑左一下，　之後就ｈｉ左一聲
就即刻拉埋佢男朋友行左入去，當時佢既咀臉真係好討人厭
我心諗，使唔使咁呀，打個招呼要用佢幾多力氣呀，有無需要黑面呢
自從果次之後，我決定唔會再同藝人打招呼，費事自己難道

注：本帖禁止讨论，讨论请移步至http://www.falachen.org/bbs/thread-4333-1-1.html

falafan

關仁隱事：「音符」嫁錯郎繼續寸爆
蘋果日報2011-11-25

「音符」被爆秘密同「老大」結婚，但音符一直死口唔認，皆因老大屋企雖然好有米，但衰在啲錢唔過佢手，老公無錢，老婆又點可以叠埋心水做少奶奶吖？音符咪惟有繼續係公仔箱捱騾仔囉。關仁聽講老大之所以冇乜料到，全因佢精神有啲問題，早幾年前曾經試過失控，搞到成家人都怕咗佢，阿爸阿媽寧願將盤生意交晒畀阿二打理，加上音符份人寸到爆，最鍾意畀面色奶奶睇，平時又好少返老大屋企食飯，連大時大節見到老爺奶奶都唔打聲招呼，咁搞法，兩老梗係玩財政封鎖，逼你冇位走啦！

撰文：關仁

注：本帖禁止讨论，讨论请移步至http://www.falachen.org/bbs/thread-4333-1-1.html

falafan

索姐爆料：露bra女神嫁錯空心老倌
爽報2011-11-25

大婆台啲姐仔經常為咗爭上位而各出奇謀，不過都有啲唔想咁搏命，始終做女人都係想搵個金龜婿嫁咗去，之後叠埋心水唔使做啦，但係有時唔好彩搵到個爛飯碗，咁就真係喊都無謂。好似「露bra女神」咁，佢同「失匙老大」結婚單嘢都通晒天，但索姐就唔明佢點解到𠵱家都死口唔認，查實失匙老大屋企雖然好有錢，但就唔過佢手！

長輩唔鍾意寸嘴索姐八到失匙老大唔止係空心老倌，佢精神狀況仲好有問題，試過失控玩自殺，搞到屋企人都怕鬼咗去，就連成盤生意都被迫畀晒細佬打理。咁老公無錢落袋，做少奶奶無望嘅露bra女神就只好繼續喺公仔廂捱騾仔囉！而且據聞露bra女神份人太過寸嘴關係，所以都唔討老爺奶奶嘅歡心，平時節日都唔會主動蒲頭示好，所以啲長輩自然閂晒水喉，一個仙都唔落佢袋囉！

周維索

注：本帖禁止讨论，讨论请移步至http://www.falachen.org/bbs/thread-4333-1-1.html

falafan

讀者報料：前排喺飛機上見到陳法拉同佢男朋友Neway太子爺薛世恒，雖然佢地好有錢，但都只係坐「經濟位」...
上載時間：2011-11-30 18:00:00
石, on October 11th, 2011 at 1:36 am Said:

前排喺羅馬去完旅行返香港，喺飛機上見到陳法拉同佢男朋友Neway太子爺薛世恆，雖然佢地好有錢，但都只係坐「經濟位」，成機爆滿，勁多香港人， 所以佢地都好似坐得唔係好自在，仲成程扮唔識，無乜講過嘢；而薛世恆就全程喺到玩iPad。唔知係咪法拉坐唔慣咁窄嘅經濟位，所以好唔自在咁，佢居然將雙 腳放上座位上，跟住抱住兩隻腳而坐，直到空中小姐遞上佢事先order嘅素餐，佢先放番隻腳落離。
http://www.orientalsunday.hk/ent/newFocus/Detail/id/1468

注：本帖禁止讨论，讨论请移步至http://www.falachen.org/bbs/thread-4333-1-1.html

falafan

讀者報料: 前排去尖沙咀SOGO 樓下SUPER MARKET 見到陳法拉自己一個行街...
上載時間：2012-02-18 12:00:00
MS CHEUNG, on November 8th, 2011 at 5:23 pm Said:
上星期喺尖沙咀SOGO行街,行到樓下SUPER MARKET….行左一陣見到陳法拉自己一個睇緊D野食,佢真人好高好瘦~仲幾靚女~~但佢個樣好COOL~~~唔出聲感覺惡惡地~~佢拎起合茶葉睇到好 入神….之後唔小心將手D野食掉左落地~~跟佢反應到既時候~我已經幫佢執起左~之後俾佢~~佢望住我超好笑容咁講左句唔該曬,同頭先個樣2回事~~~笑 得好甜~~個酒粒好靚~~~事實證明好多野都唔可以只睇表面就認定D明星好COOL好串….因為佢總冇理由冇見過你就同你嘻嘻哈哈吧???!!!!唔驚俾 人話佢博親民咩??

http://weibo.com/1709412377/y62sCydXH

注：本帖禁止讨论，讨论请移步至http://www.falachen.org/bbs/thread-4333-1-1.html