momoamos 发表于 2011-9-4 09:29:48

2011-9-4最得意情侶Laughing跟法拉搵食

最得意情侶Laughing跟法拉搵食
太陽報2011-09-04
若說視帝后是電視城人氣寒暑表，套在Laughing謝天華和Madam Jo陳法拉身上也許用不着，二人未曾做帝后，如今互撐出戰；的確，Laughing加法拉做情侶檔視帝后錢途無限，有得諗！
攜「首」衝擊視帝后
記：天華覺得法拉嘅演技係咪有好大進步？華：哈哈！法拉依家嘅演技係可以要我同佢敬禮，因為佢係我上司（劇中）嘛！有時佢真係做到不怒而威。拉：我冇可能咁惡喎！其實我好溫柔o架！記：咁法拉覺唔覺得有機會更上一層樓攞視后？拉：講真，我都係第一次做呢類型嘅戲種，完全係一個摸索嘅階段，我同啲同事講，自己起碼成個月先Pick Up到做一個警察。呢個係一個階段，我覺得未能完全拿捏到個角色，未到好純熟。華：唔係喎！你好有Madam Feel喎！哈哈哈！尤其係坐喺你辦公室入面。拉：其實對呢個角色信心唔大，因為真係要花太多時間去揣摩。華：我反而勁撐你！法拉中段開始慢慢有個氣勢出嚟，佢知道點令個角色立體，唔係第一步就不怒而威，而係慢慢滲出嚟，真係對佢另眼相看。
好Cute寸又Chok
記：咁法拉覺得天華今年係咪有機會首嘗視帝滋味？拉：首嘗？係第一次咩？梗係支持佢啦！佢做視帝，我第一個撐！自從電影後，我同佢第一次喺電視劇合作，不過佢自從做Laughing呢個角色，呢個名已經係Part of佢嘅生活，喺佢嘅血液入面，唔係入唔入戲嘅問題，對佢嚟講係冇難度，駕輕就熟，佢創作到呢個角色性格，已經唔係刻意去演喇！太犀利喇！華：係呀！依家啲人成日話Laughing又寸又可愛。拉：係喎！佢寸得嚟又好有正義感。華：不過寸同可愛係好難擺埋一齊，仲要佢Chok呢，真係唔易㗎！拉：唓……你Chok就梗o架啦！華：我一世人打過兩份工，第一份係做蠱惑仔，第二份就係做Laughing。記：咁天華你寧願法拉係一個剛強嘅Madam，定係一個好溫柔嘅女仔？華：當然Madam會比較有趣！小鳥依人會好局限，會規限到發揮，小鳥依人只要成日黐住個男朋友就得，但Madam同Laughing出嚟，大家會覺得好得意，究竟一對警察點樣去談戀愛呢？拉：係，齋拍拖會好悶，我唔鍾意咁！記：除咗拍警匪片，你哋想拍咩類型嘅戲？華：一句講晒！當然係做螢幕情侶搵真銀啦！哈哈！好唔好呀Madam Jo，我跟你搵食。拉：好呀好呀！不過係我跟你囉！
棄茶煲情定小明
記：《小明上廣州》點樣嚟？華：Laughing同Madam Jo感情線幾特別，有別於一般劇集男女，最初佢哋係上司同下屬關係，Madam Jo本身有啲似《變節》入面嘅Karen（Laughing女友），為佢哋嘅感情埋下伏線。至於點解會唱呢隻歌，就由法拉去講。拉：原本想唱《我是茶煲肥又矮》，但首歌太舊，想Update少少，就同監製講想要首得意又Cutie、依家街知巷聞嘅兒歌，諗到不如試吓唱《小明上廣州》啦！又OK喎！出嚟效果又好。記：邊個提議？華：係我哋兩個提議，一齊諗。我哋兩個睇劇本時，都對《我是茶煲肥又矮》冇乜感覺，首歌舊到阿媽都幾乎唔識唱，依家嘅小朋友更加未必聽過。拉：我真係未聽過囉！哈哈！華：我都未！拉：唔好扮嘢喎！華：當時大家個燈膽突然着咗：「不如就《小明上廣州》啦！」又諗呢隻歌最好拉埋小提琴，咁我哋真係走去學。拉：真係，所以我哋真係搵個老師去學。華：冇錯，因為拍嗰陣時係現場收音，要現場又拉又唱，唔係後期配音嘅。
拉小提琴有段古
拉：我哋兩個本身唔識，由點樣揸，指法係點都要從頭學起，其實真係好難。華：學咗一個月，值得嘅！冇諗過隻歌出嚟會咁爆！拉：冇錯，好多觀眾都會提起呢隻歌，佢哋會覺得好得意，擺喺呢個場口度。估唔到喺警匪片入面，會氹到觀眾開心。華：因為我哋想喺入面畀觀眾小驚喜。拉：唔想成套劇都咁Heavy，天華同Bosco（黃宗澤）條線已經好沉重，所有嘢掹得好緊，所以我同Laughing條線想有啲喜劇色彩，可以輕鬆啲！
後記：靚仔靚女
小朋友說話最真心，訪問當天，有個B女行過見到Laughing Gor，即大嗌：「Laughing哥哥好靚仔！」在旁的法拉問B女她是誰？B女說：「靚女Madam！」小朋友不會玩惡搞，也許天華和法拉人氣真的火紅呢！
http://img.falachen.org/news/sun/110904sun01.jpg
天華撐法拉憑「Madam Jo」爭視后，法拉亦撐他再以「Laughing」一角出戰台慶頒獎禮。
http://img.falachen.org/news/sun/110904sun02.jpg
http://img.falachen.org/news/sun/110904sun03.jpg
http://img.falachen.org/news/sun/110904sun04.jpg
http://img.falachen.org/news/sun/110904sun05.jpg

falafan 发表于 2011-9-4 09:46:26

楊怡法拉「后」台硬 杏兒變炮灰
太陽報2011-09-04
無綫紅人陳志雲無罪回歸，勢揭開另一場人事內鬥序幕，連帶「視帝后」亦大轉勢！樂易玲隨時失勢，身邊的謝天華、胡杏兒與鍾嘉欣等分分鐘齊齊被飛出局，補上的自然是「雲派愛將」如楊怡、黎耀祥及馬浚偉等！
無綫製作資源部總監樂易玲，向來被外間形容與陳志雲的關係是「勢成水火」。志雲去年三月捲入涉貪案，樂易玲上庭作供時不留情地指證五位花旦免費出席其簽書會，情況如同被他「賣豬仔」！「雲派愛將」亦因「阿頭」捲入官司而紛紛被冷待，相反樂易玲身邊的「樂派紅人」鍾嘉欣、胡杏兒、謝天華、徐子珊、林峯、鄭嘉穎及黃宗澤等齊齊抬頭，並在今年開創佳績，各人獲得不少演出機會，例如鍾嘉欣的《點解阿Sir係阿Sir》、謝天華及徐子珊的《潛行狙擊》、鄭嘉穎與胡杏兒的《怒火街頭》以及有兩部台慶重頭劇《回到三國》及《不速之約》在手的林峯，個個均有望衝擊「視帝、后」。
否認辭職傳聞
不過，志雲前日獲判無罪，隨時強勢回歸，有消息指樂易玲深感不妙，決定十一月離職，「樂派紅人」亦大有機會被飛出「視帝、后」名單，「雲派愛將」陳法拉、楊怡、馬浚偉及黎耀祥奪獎呼聲高唱入雲。據知，憑《潛行狙擊》叫好叫座的陳法拉原是「樂派紅人」，但自從新老闆陳國強入主後點名讚其演出後而起變化，皆因陳國強與志雲關係密切，陳法拉自然「歸邊」有大食大！
記者昨日致電樂易玲問及辭職傳聞，她即矢口否認：「有乜可能呀！唔會囉！我點會唔做？咁辛苦先等到咁完美嘅結局，大家乜嘢事都冇，士氣又重振，所以要更加畀心機做，希望以後唔會再有唔好嘅嘢傳出。」問到有指志雲甩難後，被無綫棄用的王喜即獲放生，樂易玲直言王喜與無綫關係不變，有合適的劇集一定找他參演。
祥仔望三連霸
「樂派紅人」人心惶惶，問到樂易玲失勢後成獲獎阻礙，杏兒說：「成日都有呢啲傳言，但我唔擔心，最緊要做好自己。」林峯亦表示不以為然：「獎項對我嚟講唔係最重要，最重要係得到觀眾認同。」被列「雲派」的陳法拉強調沒分黨派，私底下亦沒有與高層聯絡，至於會否覺得奪視后機會因而更大，她淡定地說：「離台慶都仲有幾個月，台慶劇都未出，呢啲言之尚早！攞獎唔係睇高層，係睇角色同收視。」
連奪兩屆視帝的黎耀祥再傳獲「秤先」，他只平靜地說：「其實我同志雲唔係咁熟！外間覺得我係『志雲派』係抬舉我啫！今年套《法證先鋒3》仲未出街，攞獎都係五五波！無綫近年好重視民意，如果可以三連霸締造歷史就梗係想，但鄭嘉穎同林峯都會係幾強嘅對手。」另一被視為「雲派愛將」的馬浚偉則表示，感激志雲履行不少承諾：「我對獎項一直係隨緣，當年傾續約係同樂小姐磨合得唔係咁好，最後係陳生同曾勵珍幫我，佢對我履行咗好多承諾，好似開咗《大廚出馬》畀我，實現咗我好多願望！我唔知係咪『志雲派』，淨係知我真正嘅恩師係曾勵珍，目標始終係拍劇。」
http://img.falachen.org/news/sun/110904sun06.jpg
陳法拉否認私下聯絡志雲，屬獨立人士。（資料圖片）
http://img.falachen.org/news/sun/110904sun07.jpg
林峯與黃宗澤面對樂易玲傳失勢，相信會非常閉翳！（資料圖片）

falafan 发表于 2011-9-4 09:49:52

陳總強勢回歸 樂派借歪
東方日報2011-09-04
無綫電視廣播業務總經理陳志雲貪污案成功脫罪，明天起將強勢回歸TVB。曾出庭頂證志雲、前日睇新聞卻睇到眼濕濕的樂易玲被傳十一月離職，樂派愛將林峯、謝天華、鍾嘉欣本來奪視帝、視后呼聲高，現在形勢大逆轉，年尾頒獎禮的優勢將被守得「雲」開的雲派藝人黎耀祥、馬浚偉、陳法拉、楊怡所取代。
隨着志雲強勢回歸無綫後，嘗盡人情冷暖的他被指誓展開武士復仇，盛傳多時的陳志雲與樂易玲之間的派系鬥爭亦將戰火重燃。曾在庭上指有人「賣藝人豬仔」的樂易玲，昨日否認請辭以避志雲。她說：「有乜可能？唔會囉，咁辛苦至等到呢個完美結局，依家乜事都冇，士氣重振，點會唔做？希望唔好再有唔開心事出現。（有冇同志雲聯絡？）我發咗短訊畀佢，知佢星期一返工就冇再煩佢，留番返工至傾。（雲派王喜早前被叮？）無綫對王喜從來冇變過，無綫唔夠人用，係佢要拍內地劇時間夾唔到。只要劇啱，佢又想返，無綫隨時歡迎。」
胡杏兒：從冇分黨派
被指是樂易玲愛將的林峯，對於樂派失勢，隨時年尾頒獎禮有獎變冇獎。他說：「成日都咁傳，獎項對我唔係最重要，最緊要得觀眾認同。」憑《怒火街頭》一洗「冏」譽、將以《萬凰之王》出戰頒獎禮的胡杏兒表示：「從來冇分黨分派，我唔擔心獎項，最緊要做好自己。」
被指有望以雲派藝人身份而三連霸贏視帝的黎耀祥說：「我要澄清，其實係《巾幗梟雄》嗰期令我演出多咗，同陳生喺工作上溝通多咗，但講唔上熟，話我係雲派係抬舉咗我。況且《法證先鋒3》都未播，我對攞視帝信心五五波，視帝牽涉好多因素，要睇投票，講民意。當然我梗係想連續三年封帝，締造歷史。但我睇好林峯、鄭嘉穎。（都係失勢嘅樂派藝人喎！）又唔使分得咁清楚嘅。」
http://img.falachen.org/news/ori/110904ori.jpg
法拉被指是視后大熱，但她謙稱一切言之尚早。（資料圖片）
馬浚偉感激實現願望
被列雲派的陳法拉強調自己沒有分派，問到會否覺得奪視后機會因而大增？她說：「離台慶都仲有幾個月，台慶劇都未出，言之尚早。攞獎唔係睇高層，係睇角色同收視。」
馬浚偉坦言與樂小姐在工作上的磨合程度不高，他說：「我承認前年七月同樂小姐傾續約，磨合得唔好，真空咗成個月。後來得陳生同曾勵珍幫手，陳生仲承諾會開《大廚出馬》，陳生的確實現咗我好多願望。（有信心攞獎？）我唔知我係唔係雲派，但我對獎項好隨緣，我嘅恩師係珍姐。」

falafan 发表于 2011-9-4 09:52:27

占

falafan 发表于 2011-9-4 09:52:30

占

cusa2005 发表于 2011-9-4 09:53:17

太阳要用代理的，直接图看不到。。。。

wangzilin 发表于 2011-9-4 10:12:29

首嘗？係第一次咩？梗係支持佢啦！佢做視帝

:panda21:46認知不高

心仪 发表于 2011-9-4 11:27:04

靚女Madam！:panda25:

LingYen 发表于 2011-9-4 12:11:26

小朋友不會說謊，46果然是靚女Madam！:panda06:

Yy_crazy 发表于 2011-9-4 12:35:02

小朋友的話是真實的。
大家互撐，46知道還有進步空間:panda35:

six66田小牛 发表于 2011-9-4 12:46:04

小朋友真可爱

liaoliji123 发表于 2011-9-4 16:03:52

46我们撑硬的。。。Madam 支持你。。:yc02

吾心安处是歸途 发表于 2011-9-4 17:58:31

两人都有肯定对方啊~~46还有进步空间啊~~:panda01:

kenixming 发表于 2011-9-4 18:51:42

法拉好可愛！！超愛啊！！！！！！！！！！！！！

如如 发表于 2011-9-4 20:06:39

小朋友說話最真心:panda01:

Jodie爱轩轩 发表于 2011-9-4 20:32:29

吾心安处是歸途 发表于 2011-9-4 17:58 static/image/common/back.gif
两人都有肯定对方啊~~46还有进步空间啊~~

相当有进步空间，都得了两次最佳女配角了！46加油！

ccue 发表于 2011-9-6 02:34:27

Madam Jo加油!
页: [1]
查看完整版本: 2011-9-4最得意情侶Laughing跟法拉搵食