陳豪自爆曾被灌醉怕怕！
東方日報2005-07-30

阿Mo前晚與三位靚女袁潔瑩、應屆華姐陳法拉及李亞男出席派對，不過他未試新酒已經面紅，認真怕羞。

        陳豪（阿Mo）、袁潔瑩、應屆華姐李亞男及陳法拉前晚出席「ABSOLUT & Something派對」，其中阿Mo更率先試飲新款雞尾酒，但原來他酒量勁差，分分鐘幾啖落肚就畀人「搞掂」，事後他苦笑說：「我屋企人都鍾意飲（酒），惟獨是我平平常常，飲一杯就『wing』，塊面紅到關公咁！（咁咪好易畀人搞掂？）好易o架咋！我細細個就蒲蘭桂坊，把口就天下無敵，飲酒就有心無力！」阿Mo表示曾於慶功宴被灌酒，搞到又暈又嘔，自此令他怕怕。

        陳法拉遭錄醜態

        相反外表乖乖女的陳法拉，細細個就受訓嘗杯中物，她解釋說：「記得三、四歲嗰時，屋企人貪得意畀酒我飲，搞到我high high地又唱又跳，仲畀佢哋錄低啲醜態，真係衰！（酒量得唔得？）都OKo架，通常我淨係喜慶、或者同朋友gathering先會飲啲，因為普通鍾意飲。」法拉甫簽約即受無線重用，除主持TVB8節目外，稍後將與方力申拍戲。至於最近成功豐胸的袁潔瑩，前晚真空以小背心上陣，成功搶回不少鏡頭。

陳豪酒量淺一隊即醉
太陽報2007-07-30

        前晚陳豪與袁潔瑩、應屆華姐李亞男及陳法拉出席試酒派對，與袁潔瑩「咬耳仔」密斟，搞到面紅紅。試飲新款雞尾酒後，陳豪又自爆酒量勁差，淺嘗半啖就畀人「搞掂」，他笑說：「我飲少少就變關公！（今晚試酒好易畀人搞掂？）預備�蕺�喇！我以前蒲蘭桂坊嗰時，把口就天下無敵，飲酒就有心無力！」
         至於陳法拉自小已受「集訓」，酒量尚可：「細細個時爹哋畀酒我飲，搞到我暈陀陀又唱又跳，仲畀人錄低晒！」另外，陳法拉與李亞男最近簽約無線，備受力捧，陳法拉稍後將與方力申拍新片《得閒飲茶》。

陳豪自嘲酒醉似流血
蘋果日報2007-07-30

        陳豪前晚與華裔小姐李亞男及陳法拉，到中環出席烈酒派對，陳豪表示自小不能喝酒，喝一小杯就會滿面通紅，並馬上醉醺醺，但他的兩位哥哥及父親都喜歡喝酒。

        絕跡夜店

         陳豪說：「我細個成日去蒲，依家絕跡嗰個啲哋方啦，人大咗，過咗鍾意蒲嘅年紀，我又唔食煙唔飲酒，飲一杯酒塊面紅到好似流血咁o架。」陳豪前晚只試了小量雞尾酒，當他看見有翻版楊千嬅之稱的華姐李亞男即說：「又係幾似喎。」 陳法拉則表示已簽約無線，並獲派主持TVB8頻道的節目，現與楊秀惠同住，陳法拉說：「我嚟緊重會同方力申合作拍新戲《得閒飲茶》。」