2012-03-23 挑戰Sammi無艷經典，法拉安仔上身變麻甩

wangzilin

挑戰Sammi無艷經典
法拉安仔上身變麻甩



陳法拉經歷情緒崩潰、面癱等危機，幸好有一眾好同事助她走出陰霾。

陳法拉演戲多年，今次向難度挑戰擔演《東西宮略》做鍾無艷，拍攝時冒着面癱之危搵命博，一人扮演三重身份，重病拖累令她情緒崩潰，幸得同事支持，順利完成拍攝。

陳法拉在無綫熱播劇《東西宮略》中飾演鍾無艷，其造型與電影版中鄭秀文（ Sammi）的醜女扮相很相似，故法拉特別在拍攝前做足功夫，多次欣賞鄭秀文的演出當偷師，但法拉覺得自己欠缺搞笑天份，不像同劇的阮兆祥般，三言兩語便逗得人捧腹大笑。


陳法拉演鍾無艷前，曾不斷觀看 Sammi（右圖）當年的鍾無艷偷師。


加料醜化自己
今次劇集以輕鬆搞笑為主，為了角色多變，法拉故意將原定的醜樣再加醜態，她說：「除咗面上胎記，我提議將兩條眉用假髮加粗連成一字粗眉，醜上加醜，到後期先會變番正常。」
拍攝時最難的是法拉與皇上郭晉安和陳敏之的身份對調，她難以力敵情緒壓力：「本身要演男人已經好難，有時一日要做三個唔同身份，突然間又男又女，又要做麻甩佬，又要做淑女，又要做番鍾無艷，真係人都癲，精神狀態崩潰，初時拿捏不到安仔的神髓，因為要在行為同表情上學足一樣係好難，但到後期連安仔都話我似麻甩佬。」

感激同事支持

法拉自問沒有搞笑天份，因此要加倍努力鑽研角色。




法拉在拍攝時不幸患病，面部三叉神經持續痛楚，左面麻痺，頸背僵硬，有面癱之險，她謂當時情緒難投入，又不能中途辭演，苦不堪言，法拉說：「嗰段時間係入行以嚟最差狀態，拍拍吓支持唔住真係要停工，好彩安仔會講笑話緩和我嘅情緒，敏之就會去買杯熱飲畀我定一定神再開工，多得佢哋扶持先可以繼續完成。」


採訪：卓寶花
攝影：仇志德

wangzilin

老太太鞋