2007-6-8法拉：師奶中我最唔同

falafan

溏心閒角  推油發圍
法拉：師奶中我最唔同

        憑姣功極速上位的陳法拉在劇集《師奶兵團》飾演風騷富家女，介入郭政鴻與葉童的婚姻，雖然角色不討好，不過她卻能憑此突圍而出，尤其郭政鴻替穿上噴血三點式的她推油那一幕，引得男士熱血沸騰，難怪法拉說：「因為師奶中我最唔同，會引起注意。」
       
        陳法拉先後在無綫劇集《師奶兵團》和《溏心風暴》擔演一角，近日成為網民新寵，今次在《師》劇中姣媾郭政鴻及偷情，最終郭政鴻仍懂得回頭是岸，與妻子葉童大團圓結局，陳法拉說：「今次我個角色係有錢女，任性、好勝、乜都要爭贏，一定要追到郭政鴻為止，所以用盡辦法去接近佢。」
        對比《溏》劇中飾演乖乖女角色被狠批演技差，風騷角色卻演得入型入格，陳法拉說：「我希望兩套劇都受歡迎，喺《溏》劇我嘅作用冇咁多，《師》劇會突出好多，因為一班師奶中我最唔同，會引起注意。」
       
        推油戲一Take過
       
        陳法拉在《師》劇中令人留下深刻印象絕對是身穿三點式出海，然後由郭政鴻替她搽太陽油的一幕。法拉與郭政鴻首次合作，但卻沒有絲毫尷尬，而且沒有NG，然而該幕播出後備受激賞，法拉說：「我冇諗過會咁受歡迎，覺得香港觀眾對呢方面特別熱烈，拍嘅時候只係想做好啲，冇諗其他嘢。」這幕情節會否是法拉的生活寫照？她笑說：「梗係冇，嗰次係我第一次出海，之後都冇，我更加唔會要求男友幫我搽太陽油啦，何況o依家都冇男友。」不過，法拉卻多次被發現與Neway太子爺薛世恒約會。
       
        消除語言障礙
       
        法拉認為最難演繹並不是一股姣勁，而是語言障礙，她說：「當時我搵咗老師學拼音，念對白比之前兩套劇進步咗，我有參考西劇《色慾都巿》，睇吓戲中演繹嘅女性魅力。」《師》劇推出後良家婦女與風騷角色產生強烈對比，法拉對此並不介意，還一臉自信說：「角色之嘛，喺戲裏面我嘅作用係要同佢哋對比，我唔會抗拒演呢類角色，係演藝工作。」

        採訪：卓寶花攝影：陳慧安

火速走紅的陳法拉，現在連擺甫士也特別有自信，難怪受到一眾男士追捧。

陳法拉05年當選華裔小姐亞軍，近期憑兩套大熱劇集人氣急升。