誘情轉駁 - PA手記（樸朔迷離）

falafan

索引

P1
1楼：鋼管舞
11楼：澳門直擊（上）
15楼：澳門直擊（下）
19楼：法拉專訪
20楼：馬仔專訪

P2
27楼：酒後法拉
39楼：樸朔迷離

falafan

鋼管舞
網誌日期：2010.12.14 (二) 5:13PM
大家好，我係《誘情轉駁》嘅PA TOMMY，嚟緊將會密密update PA手記，等大家可以了解下鏡頭背後發生嘅事。

講到鏡頭背後，相信睇咗噚晚《誘情》嘅朋友，都會畀法拉嘅性感造型吸引咗。法拉係劇入面係鋼管舞女郎，雖然好少咁性感演出，不過佢更加想大家從藝術角度，去睇佢嘅鋼管舞，因為跳鋼管舞真係好辛苦架！TVB.COM之前同法拉做咗個訪問，係訪問入面佢會講吓跳鋼管舞嘅辛酸事。個訪問一放上網，TOMMY會第一時間放過嚟PA手記畀大家睇！

今次係TOMMY第一篇手記，先放一啲劇照，同埋法拉噚晚跳鋼管舞嘅重溫啦！

重溫

＞＞＞＞＞按圖播片＜＜＜＜＜

劇照

falafan

裤衩喷火有效了，比喷火华喷火见效更快

falafan

澳門直擊（上）
網誌日期：2010.12.15 (三) 5:11PM
《誘情轉駁》橫跨中澳兩地，拍劇拍得咁辛苦，啲藝員當然不忘去吓啲旅遊景點啦。澳門有成四百幾年殖民地歷史，景點當然個個都好唔同啦。不過有樣相同嘅地方，就係每逢佢地去到邊，都受到當地街坊熱情招待。唔信？睇吓幾多街坊圍住馬仔影相！

澳門同香港咁近，馬仔當然唔係第一次去啦。途經一間手信鋪時，馬仔睇到門口貼滿明星相……

咦！原來佢自己都係其中一幅相嘅主角。

法拉著到咁性感，吸引到男粉絲嚟影佢，一啲都唔出奇。
咦…睇真啲，原來個粉絲係馬仔。唔知佢影咗啲咩，搞到法拉咁開心呢？

falafan

澳門直擊（下）
網誌日期：2010.12.16 (四) 4:45PM
上次講到，馬仔喺澳門街頭，拎住部單鏡相機影性感法拉。馬仔當然唔係嗰啲影女仔嘅龍友啦，佢對攝影係有啲研究架。睇吓，佢仲搵咗思捷做Model，齊齊研究。（不過佢今次皺晒眉頭，似乎唔太滿意啵…）

其實馬仔唔止對攝影有研究，睇嚟佢對拍攝都好有興趣咁啵。睇吓，明明呢場戲都無佢份，佢都幫手拎反光板，真係唔該晒！

當然，法拉都唔畀馬仔專美，佢都有唔少粉絲架。

法拉梗係第一次入杏仁餅工場，睇下佢幾興奮。

工場哥哥仔眼金金，究竟係望住塊餅，定係望住法拉呢？

入到雜貨店，老闆娘即刻拉住馬仔同法拉合照。

嚟到澳門，就算唔玩返兩手，都要入賭場參觀吓啦！馬仔真係乖乖仔，嚟到賭場，先知原來佢唔識玩老虎機。要出動到賭場姐姐從旁教導。

哎呀…輸咗。算啦，喺度同法拉合照啦。

falafan

法拉專訪
網誌日期：2010.12.22 (三) 12:49PM
Tommy應承過大家，只要法拉個訪問一上，就會放嚟PA手記。

喺《誘情轉駁》入面，法拉係一個好貪錢嘅女人，甚至可以為咗錢同人上床。今次專訪，法拉主要會講吓點睇JoJo哩個角色，究竟佢最終會唔會「醒覺」呢？另外佢又會講吓部劇嘅發展。當大家以為「咁咪又係嗰啲，都無新意」嘅時候，你哋就錯喇！因為法拉係訪問入面，應承咗只要收視過四十點，就會……

講多無謂，快啲睇啦！（下集預告，仲有馬仔專訪。）


＞＞＞＞＞按圖播片＜＜＜＜＜

falafan

馬仔專訪
網誌日期：2010.12.28 (二) 5:11PM
喺《誘情轉駁》入面，馬仔飾演嘅堂堂大律師，竟然為咗鍾意嘅女仔JoJo，不惜冒「生命危險」，將成罐辣椒油食落肚，真係能人所不能，仲經典過當年阿燦食漢堡包呀，各位男士真係要學吓嘢喇！

講起法拉，自從第一集起，Tommy不斷有朋友話，法拉跳鋼管舞好性感，仲問Tommy佢之後仲會唔會再跳。劇情呢啲嘢，我當然唔可以透露，不過大家都可以按常理推斷，劇入面JoJo跳舞都係為咗錢，既然做咗富家女，你估佢仲會唔會跳呢？

不過唔使失望，有睇上次法拉專訪都知，只要收視超過四十點，佢話再跳一次鋼管舞當然無問題啦。想欣賞法拉嘅舞藝，識做啦！

除咗法拉，TVB.COM都同咗好男人馬仔做專訪，而家畀埋大家睇啦！

falafan

momoamos 发表于 2010-12-29 13:44
有沒有39.99點的

当然有。收视率都有小数点的，只不过四舍五入掉了，39.99就是40点。
上了40点也没机会跳，剧都完了，又不见得会有庆功活动，总不能专门搞个钢管舞活动出来招待记者。何况这种收视过XX点的话基本上都是随口说的，没几个人会认真当一回事，真要跳也是随便拿跟管子估计就当钢管舞了。

falafan

酒後法拉
網誌日期：2010.12.29 (三) 4:52PM
Wilson為JoJo食辣椒油件事，終於畀JoJo知道咗。JoJo為咗報恩（亦都因為呷醋），幫返Wilson頂酒。佢地飲酒嗰時，Alice、Wilson同JoJo只係留意對方有無呷醋。不過，Tommy係網上發現，原來觀眾留意嘅重點，反而係飲醉咗嘅法拉。

有唔少網民話，飲醉咗嘅法拉比平時更加靚。Tommy都有朋友問到，究竟啲演員拍飲醉嘅情節前，係咪真係會飲啲酒先。Tommy識嘅人有限，唔敢話個個都唔係。不過以我所知，香港多數都係靠化妝嘅，唔係真係飲醉。畢竟酒能亂性，飲醉咗唔記得劇本，反而阻礙拍攝進度啦。

至於醉咗嘅法拉，係咪真係比平時更靚，就要靠大家自己睇睇喇。Tommy搵咗其中一小段出嚟，畀大家重溫吓。


＞＞＞＞＞按圖播片＜＜＜＜＜

falafan

法拉不喝酒的。上次在微博都写了，大家都喝酒，就她不喝，这样的情况都不喝酒，还是她投入的义海，其他情况下就更不会喝了。

falafan

只对牛奶过敏吧。一般情况下是不喝酒，硬是要喝还是能喝一点的。

falafan

樸朔迷離
網誌日期：2011.01.07 (五) 4:26PM
《誘情轉駁》話咁快到咗尾聲。高永泰、Jessie離奇死咗亡，究竟兇手係邊個呢？係成件事入面，JoJo本來係最大利益者，但Jessie係佢身邊死咗，佢嘅死人嫌疑水洗都唔清……阿榮啱啱刑滿出獄，就可以承繼所有遺產，究竟係幸運，抑或係精心嘅佈局呢？

呢齣爭產劇，曲終人散之時，係喜，係悲？記得睇今晚八點半大結局喇！

做呢齣劇嘅PA，Tommy好開心，因為好多朋友同我講，齣劇嘅劇情好緊湊，連平時無追開電視嘅，都晚晚坐定定，睇法拉、馬仔佢地好戲連場。臨近尾聲，Tommy將所有花絮送畀大家啦！