|
陳法拉食維他命抗流感
太陽報2009-09-14
新劇再有幕後工作人員確診豬流感（H1N1甲型流感），但陳法拉坦言避無可避。
陳法拉、蒙嘉慧及馬浚偉昨日為新劇《誘情轉駁》開工，因颱風將至，天氣翳焗，三人大汗疊細汗。對於《誘》劇先後有助導及攝影師確診豬流感，法拉笑言不擔心個人健康：「我已經有抗體！兩星期前唔舒服，我冇Check係咪豬流感，因為啲病徵只係普通感冒，亦冇睇醫生，食咗藥就好番，依家開工都有食維他命，希望可以增強抵抗力！」
蒙嘉慧心情High爆，未知是否收到男友的愛心短訊呢？
馬浚偉服食維他命及做運動打底，並呼籲身體不適的人戴口罩。
做運動強身健體
而馬浚偉則說：「我哋之前日日都同病咗嗰兩個幕後一齊開工，我諗每個人體質唔同，攰就好易中招。我除咗食維他命打底，得閒仲去打羽毛球，做運動對身體好！反而啲天氣真係熱到攞命，我背脊濕晒，不過唔使戴頭套已經好好！」而蒙嘉慧表示知道有幕後工作人員生病：「香港有萬幾人確診，冇得避，唔通戴住口罩開工咩？最多大家保持距離！（鄭伊健叫你小心啲？）都冇得話小唔小心，開得工就要面對。」
陳法拉及馬浚偉在酷熱天氣下開工，大汗疊細汗。
| 
狗仔卡
发表于 2009-9-14 10:15:41
显身卡
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)