2009-8-25車神陳法拉衝紅燈被扣分

falafan

陳法拉 愛車如命
明報2009-08-25

        陳法拉昨日出席新車發布會時表示想買部跑車。揸跑車四處去，不覺得太招搖？她竟然不怕，還表示反而鍾意別人望她，因為車是身分的象徵，代表她有型有格。問她是否愛揸快車？她說﹕「在女性朋友當中，我算是車手，不過，都是在安全情况下揸快車。（有否試過被扣分？）試過一次，不過不是衰超速，而是衝紅燈。」男友愛揸快車？她仍是避談男友﹕「我身邊所有朋友揸車都很安全。」那做其男友是否一定要有部靚車來接載她？法拉說﹕「不是一定，拍拖就算坐地鐵都很浪漫。」

        記者﹕柯美

falafan

法拉愛駕跑車不怕招搖
大公報2009-08-25

圖：愛車之人法拉（左）出席跑車宣傳活動

        陳法拉昨日身穿吊帶低胸短裙出席一個跑車活動，法拉表示十七歲已考獲車牌，但在香港因為認不到路，所以很少自己駕車，最近她都考慮換車，希望買一架跑車。問到她駕跑車不怕太招搖會被人「撩」嗎？法拉坦言平時駕車時，也愛被人望，更指這是身份象徵，也是代表自己，必需有型有格。
       
        自稱女車手曾被扣分
       
        問到她男友又愛開快車嗎？法拉避談，只表示身邊的朋友都是安全駕駛者，她又指自己也算安全的，亦自誇在女性中都算是女車手。問到她以前試過在駕車時違規嗎？法拉坦言以前曾被扣分，但那次不是超速，因為她在轉彎位落斜時，碰巧交通燈由黃燈轉紅燈，才被拍到快相，都算是意外。但自此後，她都好小心。
       
        雖然法拉愛駕跑車，自己亦曾被扣分；但她要求男友駕車以安全為先，更指若男友開快車，她會好驚。問到她男友是否一定要有車呢？法拉指也不一定，她有時覺得一齊乘地鐵也可以好浪漫，但有車就可以有私人空間。

falafan

車神陳法拉衝紅燈被扣分
太陽報2009-08-25

        陳法拉昨日以吊帶短裙出席名車活動時透露有意換跑車，她認為女仔揸跑車好型：「其實我十六、七歲已經揸車，不過喺香港成日迷路，路窄又多單程路！（跑車太招搖被撩？）揸得都鍾意人望，我覺得揸車係身份象徵！」問到男友會否揸快車，她說：「我啲朋友揸車好安全！（你呢？）都好安全，仲係女車手添！（被扣分？）都有！不過唔係揸快車，係當黃燈轉紅燈時，畀人影到我衝紅燈，嗰次係意外，下次會小心！（鍾意男友揸車快過你？）我好驚男仔為型而揸快車，我覺得最重要係安全！（揀男友一定要有車？）唔一定，我覺得搭地鐵都好浪漫，但揸車就有私人空間！」

認為女仔揸跑車很型的陳法拉，有意換跑車代步。

falafan

陳法拉貪浪漫搭港鐵拍拖
東方日報2009-08-25

        身穿吊帶連身短裙的陳法拉，昨日以宣傳大使身份出席Volkswagen活動，她表示十六七歲時已在美國揸車，但來港後只有兩年揸車年資，她說：「香港路窄又多單程路，所以我成日都認唔到路！」不過她坦言有意換跑車：「我都考慮緊買唔買好，其實我覺得女仔揸車有型啲！（女仔揸跑車太招搖會被撩？）我覺得揸車都係鍾意人望，仲係身份象徵嘛！」

一談起男友，陳法拉即笑得甜絲絲。

        當問她的男友是否愛揸快車時，她即裝傻扮懵，表示無論自己或「朋友」揸車都一樣安全，她又笑言：「我都係女車手嚟o架！（鍾唔鍾意男友揸車快過你？）最緊要安全。（有冇被扣過分？）都有，話我衝紅燈，其實我只係轉彎落斜嗰陣，個交通燈啱啱由黃轉紅，惟有下次小心啲！」問到揀男友會否要求有車階級時，她就指不一定，她說：「我覺得同男朋友搭地（港）鐵都好浪漫，有車就會有多啲私人空間囉！」

陳法拉直言跟男友搭港鐵一樣浪漫。

falafan

馮仁昭四圍超：陳法拉自爆衝燈扣分
蘋果日報2009-08-25

        陳法拉噚日身穿灰色背心短裙到銅鑼灣出席汽車新產品活動，有多年駕駛經驗嘅佢被問到有冇被扣過分，佢話：「試過，但嗰次唔係超速，而係落斜時咁啱交通燈由黃燈轉紅燈，最後影咗相，o依家我會更小心。」法拉近年工作不斷，問佢有冇考慮換新車，佢就話都有諗過，仲話想換架跑車，因為覺得有型有款。會唔會怕俾人撩？法拉笑住話：「雖然以女仔嚟講我都算係女車手，但我點都以安全為上。」

falafan

陳法拉 拍拖搭地鐵感浪漫
成報2009-08-25

        身穿灰色背心短裙的陳法拉，昨到銅鑼灣出席汽車新產品活動，本身有多年駕駛經驗的她，被問到曾否遭扣分？她坦言：「試過，不過嗰時唔係超速，係轉彎位落斜時遇上交通燈由黃燈轉紅燈，最後被影快相。嗰次算係意外，下次我會更加小心。」之後問她可有考慮換新車？

        法拉笑言：「有考慮過，想換跑車款，女仔嘅都好型。」之後問她開跑車怕不怕被人撩？她笑言：「我響女仔嚟講，都算係女車手，不過我安全至上嚟！」問她的男友開車是否很安全？她帶點迴避指：「開車畀人望，係身份嘅象徵，咁係代表自己有型有格。」再問她喜不喜歡男友開快車？她指：「我所有朋友都係安全駕駛者，我都係，我哋喺香港只係兩年，有好多路唔熟，間中都唔駕車。」對男友的駕駛技術，她要求對方以安全為先，她很驚男友開快車，而汽車性能好，才能保安全。問她揀男友是否一定要是有車階級？法拉指：「唔一定，有時搭地鐵都幾浪漫，對方有車，就有自己嘅私人空間。」

        ＜採訪＞慧芳　＜攝影＞史丹尼

陳法拉自言很怕男友開快車。

陳法拉覺得同男友搭地鐵都一樣好浪漫。

falafan

陳法拉唔怕拍拖迫地鐵
新報2009-08-25

        •陳法拉（圖）噚日着住吊帶低胸裙出席跑車活動，佢同Cute姐講17歲已考咗車牌，因為喺香港認唔到路先少揸車。法拉認真人如其名，最希望買一架跑車代步，更自誇要做女車手咁話。問到佢係咪鍾意開快車？法拉即刻避談，話身邊朋友都係安全駕駛者。問到識男友係咪一定要有車先？佢就話唔一定，只要鍾意就算一齊搭地鐵都好浪漫。

falafan

陳法拉駕車慣性迷路
星島日報2009-08-25

　　陳法拉昨日乘坐Volkswagen新款跑車出席有關宣傳活動，並指也想換跑車，因有型有格，即使被人眼望望也不怕，因駕車也喜被人望，反而可成身分象徵；她自言是女中車手，不過亦會注意交通安全，在港駕車2年，只試過湊巧落斜轉燈停不切而被警察指衝紅燈扣過一次分，她坦言在美國17歲已開始駕車，但香港道路較窄和多單程，不時會迷路。問到男友駕駛是否安全？她只道所有認識的朋友也是安全駕駛者。

　　文、圖：林子棠

■法拉愛跑車有型有格，駕出街會被人眼望望。

falafan

陳法拉衝紅燈被扣分
澳門日報2009-08-25

    昨日，陳法拉性感打扮出席汽車宣傳活動。她不諱言自己愛好駕駛跑車，亦曾因違規被扣分。“那次不是超速，因為在轉彎位落斜時，碰巧交通燈由黃燈轉紅燈，警察話我衝紅燈要扣分，下次我會更加小心的！”不過，她不怕在鬧市駕駛開篷車時被人“撩”，因為她覺得被人望也算是“身份象徵”，證明自己有型有格。問她揀男友是否一定要有車呢？她指也不一定，有時覺得一齊乘坐地鐵也可以好浪漫，但有車就可以有更多私人空間。

    陳法拉表示十七歲已考了車牌，最近考慮換車，希望買一架新跑車。問她的男友愛開快車嗎？她不想回應，只表示身邊的朋友都是安全駕駛者，她又指自己開車也算安全的，自誇在女性中都算是駕車高手。

陳法拉希望買一架新跑車

陳法拉性感打扮出席汽車宣傳活動        (Tungstar)

falafan

占