2009-8-8邱禮濤捧 Laughing省邵氏盾牌

falafan

男生圍：邱禮濤捧 Laughing省邵氏盾牌
蘋果日報2009-08-08

        邵氏那個盾牌形 SB logo，邱禮濤等足邵氏停產的 22年，以為憑執導電影《 Laughing Gor之變節》等到了，邵氏卻要改招牌。從《人肉叉燒包》到《陰陽路》，由《我不賣身，我賣子宮》的影后劉美君到從電視再度跳出銀幕的 Laughing謝天華，導演邱禮濤經歷了電影事業高低潮，拍過 cult片爛片話題電影，如今拍埋電視劇產物， 26年來得出四字真言——適者生存。撰文：藍文浩
       
        適合市場不等於完全妥協，就如現實中，正與邪從來都難定分界，擅長描寫黑與白中間那一塊灰的邱禮濤導演，執導邵氏重整旗鼓後的首部電影《 Laughing Gor之變節》，他日前笑說：「真係好榮幸，細個睇幾多邵氏嘅戲呀，我連續開工一個禮拜冇得瞓，一上車就瞓着，都係為咗部戲有邵氏個 SB logo，點知o依家話要改。」兩個字母加上盾牌形狀，令導演朝思暮想，邱禮濤續說：「我接都係希望有部戲有呢個 logo，雖然係好老套，但係呢個唔係貶義。」明白明白，那盾牌 logo的經典程度，就等於小時候看西片那張開口搖頭怒吼的大獅子。

       
邵氏重整旗鼓，由謝天華和陳法拉主演的首部電影《 Laughing Gor之變節》將於下周四上映。

謝天華憑 Laughing一角成功由電視螢光幕跳到大銀幕，跟元彪（右）結片緣。

       
        天華壓力變動力
       
        Laughing哥謝天華在無綫劇《學警狙擊》死過翻生成全城熱話，更由公仔箱跳入大銀幕掛頭牌拍前傳，繼續置身黑白灰中間做邊緣人，保住人氣谷票房，演員、導演都有壓力，不過邱禮濤說：「其實 set死咗個角色仲易有題材啦，我哋要構思佢嘅過去係點樣，強調佢點樣去揀條路，都係抉擇嘅故事。」路邊社消息：黃秋生本來拒絕接拍，但因為與導演深交又有知遇之恩而應承，邱禮濤說：「唔係，秋生一聽完故事就好爽快應承，佢好鍾意個角色。我同佢唔講呢啲嘢。」一眾主要演員都拍慣 TVB倒模劇集，可會只得 A表情 B笑容？邱禮濤說：「天華好緊張部戲，佢因為部劇而紅咗，仲拍埋電影，緊張但係都係好正面嘅，咁樣令佢全力以赴。法拉幾好，但係呢部係男人戲，剛陽味重啲，佢就係 Laughing身邊一個人，佢女朋友。呂慧儀幾突出，古仔入面冇刻意經營，但係佢一做就覺得好突出。」無綫被戲稱為 CCTVB，邱禮濤不怕有觀眾會對電影先入為主，還是自有一套想法，他說：「唔怕，我真係唔會介意，正如有一班最索嘅女企喺度，都未必個個人都鍾意啦，只要大部份嘅回應係正面就已經係好好。」

在片中演黑幫大佬的吳鎮宇極力反對演其妹的陳法拉與 Laughing相戀。
       
邵氏昔日的盾牌形 SB logo至今仍令大家十分懷念。

       
        打入內地有難度
       
        香港電影其實早已變成中港電影，內地資金殺到，香港老闆又要投靠內地市場，邱禮濤說：「o依家多個老闆（邵氏）玩，雖然個行業真係低潮，但係有老闆肯搞，個象徵意義好好，睇吓 3部之後邵氏電影再點發展啦。」但電影要合香港口味，更重要的是合乎內地的尺度，要妥協同時又不可太過妥協，邱禮濤說：「希望內地市場、制度同視野都開放啲啦，要拍到（內地認可電影）係難，但唔係冇可能。」另外， cult片迷喜訊是影藝戲院重開，但在導演眼中，卻同樣是象徵意義比較大，邱禮濤說：「電影工業內未必係一個好消息，好似係多咗個頻道放小成本片，但係會唔會咁就多咗人睇戲呢？歷史上睇好似係唔得喇。」

        我是誰： Cult片大導出頭天

《我不賣身，我賣子宮》劇照

        現年 48歲的邱禮濤，是嶺南大學文化研究碩士，學生時代已拍攝獨立短片。他執導的電影，恐怖、血腥、勵志、喜劇、黑幫片樣樣齊，大多是低成本製作，尤以 cult片聞名， 93年拍攝《八仙飯店之人肉叉燒包》，帶挈黃秋生首奪香港電影金像獎影帝，至於另一齣《伊波拉病毒》，曾獲歐美影評人和觀眾喻為 Cult Classic。至於《等候董建華發落》除了獲提名金紫荊獎最佳導演外，亦成為柏林影展「 Panorama」開幕電影。早前執導的《我不賣身，我賣子宮》，造就劉美君奪金馬影后。

導演邱禮濤拍戲多年，經歷了電影界的高低潮。

congeechen

这个LOGO挺无敌的~~

ahuiwhwei

SB logo好很怀念。。好多片子都有这个。

changbo

这个是网络恋情？

哈哈，还特别解释 阿T

Kenwick 粉丝报道

不是SB，　国内很不好过电检．．．