2009-5-28大美人爭做Laughing嫂 陳法拉頂頭大熱

Minnie

5大美人爭做Laughing嫂 陳法拉頂頭大熱
新報2009-05-28

        無綫食住「Laughing哥」謝天華超強人氣，與邵氏合作開拍電影《Laughing Gor之變節》，讓Laughing哥在大銀幕重生，更是邵氏頭炮製作電影，無綫方面甚為器重，更慎選飾演Laughing嫂的女主角，視為力捧的秘密武器，據本報可靠消息指，經過五大美女陳法拉、徐子珊、鍾嘉欣、廖碧兒、周秀娜一番激戰後，Laughing嫂呼聲最高的是陳法拉！不過，皆因該片於7月才正式開工，可能仍會出現變數。

        無綫今次為了肥水不流別人田，將力捧機會落在自己人身上，而港姐和華裔小姐出身的女星自然成為首選。據知，無綫曾經和多位人氣靚女接洽，除陳法拉外，更向徐子珊、鍾嘉欣、廖碧兒打主意，甚至人氣急升的「模」周秀娜亦不放過，只可惜她不是自己人，未經面試已被「叮」出局，無得留低。

        徐子珊撞檔期

        據知，其實無綫首選屬意徐子珊，因為她是港姐冠軍，年前甫進軍電影圈便一擊即中，奪金像獎「最佳新人獎」，潛質驚人，近年又演而優質唱，贏了人氣，可是卻撞了檔期，子珊現正拍電影，至8月初才煞科。另外，鍾嘉欣早已接拍了無綫新劇《囧探查過界》；而廖碧兒亦用行動證明走出無綫雪櫃，暑假返無綫拍劇。在天時、地利、人和幾方面的配合下，陳法拉終能脫穎而出，成為Laughing嫂大熱。記者致電向徐子珊經理人了解，求證徐子珊是否曾經試過鏡？經理人不置是否，只強調由始至終檔期是配合不來的。

        天公都畀面

        昨日落下滂沱大雨，怎料到電影開鏡拜神前一刻即停雨，Laughing哥一出就連天公也造美，天華對此也大呼好彩，由網民於Facebook自組的Laughing Club亦有送上果籃祝賀。電影版跟劇集沒有關係，故事圍繞Laughing哥9年前入黑幫的事。飾演Laughing女友，之前盛傳周秀娜及徐子珊出演，不過已被導演邱禮濤及樂易口否認，樂小姐透露確實有不少藝人試鏡，她笑謂希望揀個女角能帶給觀眾新鮮感、身材好及靚女，更露口風女角人選大多數是無綫藝人。

        三大影帝烘托

        黃秋生和吳鎖宇的造型出位大搶風頭，秋生更是出動名牌私伙衫褲拍攝，由於天雨地滑，秋生全程抽起褲管免弄濕。天華被記者嘲笑他造型「唔夠搶」，他說：「我係演初出茅廬嘅卧底，比起上次平實啲。」提到他跟三大影帝合作，天華則笑謂不會給自己壓力，天華說：「唔好咁講，樂小姐搵影帝返呢係畀我學嘢，卡士強自己都好開心，有三大影帝！（有冇超支？）一分錢一分貨，有影帝級演員就會賣座。」人氣爆燈的「柴九」於上個星期才接到通知會加入劇組，問到是否《巾幗梟雄》收得才加插角色？祥仔說：「唔知，冇所謂，都係公司戲。」他於片中飾十分憎恨蠱惑仔的火爆警長，一見Laughing、秋生及鎮宇就（）。

        葉翠翠情迷秋生

        秋生畫上粗眼線十分狂野，他說：「個妝會隨住心情變化改色，我今日係嬲，所以就畫深色啲。」秋生自言劇中角色是蠱惑仔韋小寶，會有6、7個女友，飾演律師的葉翠翠與他有感情戲，秋生大讚翠翠有觸角醒目及聽話，他笑謂片中沒有埋身肉搏親熱戲。

        提到翠翠揚言願意跟他拍親熱戲，秋生即說：「專業演員梗OK，何況佢知道根本就冇呢場戲，所以咪話好囉。」秋生的角色名字與其兒子一樣叫「阿一」，他笑謂聽起來份外有親切感。

        鎮宇透露是被秋生吸引參演，提到群星拱照Laughing哥，鎮宇說：「都唔拒，只要大家憑心唔係諷刺佢就得啦。」問到他戲份重嗎？他鬼馬說：「我已提出錢可以照畀足，但戲份唔使咁足，我要湊仔、餵奶。」另外，翠翠得到秋生提點拍戲，笑謂多謝對方塞錢進袋。