諸葛梓岐闖日狙擊Angelababy
太陽報19/03/2009
繼Angelababy及Kama後,諸葛梓岐亦有意闖日本發展,現時仍在洽談中,她自覺形象與前兩者不同。昨日她為「尊貴視力」擔任眼鏡模特兒時說:「我形象係成熟、性感、高貴同多變化,依家公司傾緊秋冬季過去行騷。」剛從日本返港的她,澄清向公司請假三個月的傳聞:「停工唔係事實,我係請半個月假,之前有緋聞,工作量少咗所以攞假,依家多番工作!媽咪睇咗報道都知我同男友去日本,佢冇逼我唔好做,我又唔係愛情至上,做嘢都好緊要。」
提到早前與陳法拉鬧不和,諸葛梓岐表示沒有見過對方:「我拍拖係我嘅事,我唔知佢係咪暗示我放料,我唔會諗。」問到有否向男友訴苦?她坦言每個朋友都替她不值,公司亦有安慰她。此外,今次擔任領軍模特兒的她,大賣口乖稱喜歡戴眼鏡,並會惠及男友:「如果佢睇中鍾意嘅款式,我可以送畀佢。」 |