法拉城-陈法拉网站

标题: 2007-4-28耕耘六年摸透遊戲規則黃宗澤快醒 [打印本页]

作者: falafan 时间: 2007-4-28 11:49:55 标题: 2007-4-28耕耘六年摸透遊戲規則黃宗澤快醒

耕耘六年摸透遊戲規則黃宗澤快醒
太陽報2007-04-28

黃宗澤（Bosco）入行六年，經歷多次起跌，面對是非與緋聞，已變得豁達，近日跟新聞女王陳法拉的緋聞，他視為劇集《溏心風暴》出街的正常習慣，像在鋼線上行路，隨時跌得一身傷，又得再花氣力站起身，但他懂得自我安慰：「十單有四單唔好，好過十單都唔好。」為免重蹈覆轍，早前更下決心戒蒲戒玩，應該算是醒得最快的小生。
黃宗澤是無線03年力捧的四個小生之一，結果他跑了出來，不過卻是以緋聞是非出位，努力數年，由谷底翻身的Bosco戒蒲戒玩，絕迹夜店，實實在在的在做戲方面下苦功，早應該洗了底重新起步再戰江湖，但近日又與陳法拉扯上關係，見慣風浪的他說：「十單有四單唔好，好過十單都唔好。對住呢單新聞，我都係得啖笑，早已視為習慣，唔會放喺心。」

一念之差

身為過來人的Bosco，深明若自己看不開，將事件放大，就會同時將不開心的部分放大：「我曾經試過因為唔開心嘅新聞，諗住離開呢個圈，但依家過咗去，又唔當係一回事，或者可以咁講，我已經可以自己解決問題。」Bosco現在來往的圈中友人，已經不是蒲友一族，都是會跟他談論演技劇本的人，如陳國邦、黎耀祥及緋聞女友胡杏兒，他表示早前到陳國邦家作客，陳國邦對他說，他是醒得最快的一個小生。

終身學習

曾經愛蒲愛玩的他，承認有過兩年迷惘期：「初入行兩年，開工唔係咁密，又冇諗過喺呢行會有啲咩成績，就算單講做戲，以為只要不斷咁做，總會有進步。點知原來做得耐，真係會被『榨乾』，所以依家要用盡方法吸收新知識，我講嘅唔單止係書本上嘅知識，而係睇吓出面嘅世界，我嚟緊會學日文，雖然未必拍劇有用，但只要有入，就一定會有得出，不過係以唔同嘅方法。對於我嚟講，依家首要嘅就係演技有進步，早排喺電視台，我遇到杜汶澤，我同佢完全唔識，佢突然叫停我，讚我喺《賭場風雲》做得好，我當時好開心，其一係有人留意我嘅演技，其二係佢會出聲讚我。」

胡杏兒．鬥氣冤家

跟陳法拉的緋聞，Bosco說是阻止不到，但與胡杏兒的關係，他就直認是知己，兩人自有一套相處方式：「我同佢成日都鬥氣，平日通電話，佢唔介意我批評佢，我又唔介意佢話我，只有咁樣先會有進步有新嘢。其實杏兒係一個比較執著嘅人，佢唔係咁想演奸角，我就會同佢講，奸角咪奸角，一樣可以發揮，又好似拍喊戲，我會提議佢試吓唔流一滴眼淚，但又可以令觀眾覺得好慘。」

徐子珊．曾經有Feel

能夠真情對話，但卻未想過會有進一步。跟胡杏兒有著錯綜複雜的關係外，Bosco也以為曾經戀上徐子珊：「我同徐子珊拍《千方百計》幾個月，大家飾演情侶，對咗幾個月，我以為鍾意咗佢，我試過靜落嚟問自己，係咪鍾意佢呢？後來拍完套劇之後，我即刻接住去另一個廠搵第二個女朋友楊怡，結果證實只係一陣子嘅Confuse（混淆），好快又抽到身。所以拍得密都好嘅，可以好快由一個廠跳到另一個廠。」

作者: shirley129 时间: 2007-4-29 02:10:28

bosco talked about myolie and kate but he didn't even mention much about fala! ><"
i thought they look kind of cute together in HOG tho! ^^ really hope they can play lovers in the future!

欢迎光临法拉城-陈法拉网站 (http://www.falachen.org/bbs/)