法拉城-陈法拉网站

标题: 2008-11-14陳法拉恨攞飛躍進步獎 [打印本页]

作者: falafan 时间: 2008-11-14 08:25:30 标题: 2008-11-14陳法拉恨攞飛躍進步獎

陳法拉失聲勢唔望蟬聯
東方日報14/11/2008

去年在台慶頒獎典禮中奪得「最佳女配角」的陳法拉，今年再得到「女配角」提名，但陳法拉認為今年有楊怡和李香琴兩位強敵，對冧莊不寄厚望。

陳法拉今年再憑劇集《溏心風暴之家好月圓》提名角逐「最佳女配角」及憑「啞女」甘詠慶角色提名「我最喜愛的電視女角色」獎，陳法拉日前接受專訪被問到可有信心冧莊「女配角」獎時，她說：「今年對手好強，楊怡同嫲嫲（李香琴）都係好強嘅對手，我都好鍾意楊怡嘅角色，不過，都唔到我話事，最終要睇觀眾鍾意邊個，投邊個一票，要冧莊好難。」

想攞飛躍進步

「啞女」阿慶角色討好，令觀眾欣賞到陳法拉的另一面，問到陳法拉可覺得這角色是其代表作？她說：「都算係入行以嚟最滿意嘅角色，角色好特別，又可以學到手語，但係依家睇番轉頭會覺得有好多地方可以做得好啲、成熟啲。」

05年才入行的陳法拉，短短三年間已奪得「女配角」獎，成績有目共睹，未來任務可是瞄準「女主角」獎呢？她說：「我反而想攞『飛躍進步獎』多啲，呢個獎代表人哋認同你有進步，視后就冇諗過，我嘅焦點唔喺呢度，唔係為獎項拍戲，入行以嚟都做過好多唔同嘅嘢，但係始終都係最鍾意演戲，因為演戲嘅滿足感最大。」

視后揀唔落手

今年台慶頒獎禮的大贏家相信非《家好月圓》莫屬，問陳法拉的心水「視帝」和「視后」是誰？她笑說：「真係揀唔落手，林峯、夏雨都唔知點揀，『視后』都係屬於《家好》o架啦，等觀眾決定啦。」

陳法拉未有將目標鎖定「視后」，坦言現時未到恨攞「視后」的階段。

陳法拉認為冧莊「女配角」獎，實在頗有難度。

作者: falafan 时间: 2008-11-14 08:26:50

陳法拉恨攞飛躍進步獎
太陽報14/11/2008

05年入行的陳法拉，去年奪得「女配角」獎，但如果今年要衛冕卻遇強敵當前，難怪她表示難度甚高，更坦言最盼望奪得「飛躍進步」獎。

陳法拉日前接受專訪時，被問到可有信心衛冕台慶頒獎禮的「女配角」獎？她說：「楊怡同嫲嫲（李香琴）都係好強嘅對手，我都好鍾意楊怡嘅角色，今年要冧莊好難，以前都唔知有冇人試過。」

那麼「啞女」阿慶角色又可否是陳法拉的代表作？她說：「好滿意呢個角色，都算係入行以嚟最滿意嘅角色，可以學到手語，但係依家睇返轉頭會覺得有好多地方可以做得好啲、成熟啲。」

希望多方面嘗試

強敵當前未有強求「女配角」獎，莫非有更大的「視后」作目標？法拉說：「我反而想攞『飛躍進步獎』多啲，呢個獎代表人哋認同你有進步，冇諗過攞視后，自己唔係為獎項拍戲，入行以嚟都做過好多唔同嘅嘢，但係始終都係最鍾意演戲，因為滿足感最大，希望未來可以試多啲，好似舞台劇同電影咁。」

至於誰是法拉的心水「視帝」和「視后」？她說：「林峯同夏雨都好，真係唔知點揀，『視后』都應該係《家好月圓》o架啦！等觀眾決定啦！」