法拉城-陈法拉网站

标题: 2007-10-10蓮妹拍戲失聲法拉識做冧前輩 [打印本页]

作者: falafan 时间: 2007-10-10 06:11:32 标题: 2007-10-10蓮妹拍戲失聲法拉識做冧前輩

途人勁讚兩代花旦　蓮妹靚法拉索
東方日報10/10/2007

陳玉蓮和陳法拉昨日在尖沙咀街頭為新劇《盜亦有道》拍外景，引來途人駐足，部分為仰望久違了的蓮妹，但亦有後生仔大讚法拉「好索」，兩代花旦可謂各有市場。

蓮妹和法拉在劇中飾演一對好姊妹，但事實上法拉首日跟蓮妹開工已感到有點緊張：「前輩嘛！有少少緊張，佢真係好靚，皮膚又好，食飯時我有問佢護膚之道，原來佢好幾年都冇化過妝，只係用清水洗面。」在街頭拍攝時各有捧場客，問到她怕不怕被首次復出拍劇的蓮妹搶鏡，法拉笑笑說：「唔怕，就算搶鏡都係好自然嘅事，佢真係好靚。」

明讚暗踩無綫

復出拍劇的蓮妹，昨日失聲開工，原來她日前拍攝一場狂鬧鄭子誠的戲份，拍足四小時鬧至失聲，更開始感冒，蓮妹原以為監製會叫她休息兩天，誰知昨日仍要開工，她勉強地說：「嗰日撞見廖啟智，佢都叫我有心理準備好辛苦，但暫時都可以應付，（同想像有冇唔同？）原來依家要飛紙仔，我未試過呢樣嘢，好奇怪無綫咁有系統、上晒軌道都會咁，可能係一個潮流。」

蓮妹很快適應下來，大概跟工作人員的鼓勵有關，某次她在一呎多的高度跳下來，幾乎所有人都拍手大讚她寶刀未老，令她啼笑皆非，至於法拉這個新拍檔，蓮妹也稱讚：「佢好主動，聽到我問服裝有啲問題，都出聲畀意見，好幫手。」

陳法拉、陳玉蓮在劇中飾演好姊妹，有不少對手戲。

作者: falafan 时间: 2007-10-10 06:12:44

蓮妹拍戲失聲
法拉識做冧前輩
太陽報10/10/2007

陳玉蓮與陳法拉昨日為新劇《盜亦有道》拍攝一場在尖沙咀的逛街戲，由於蓮妹十多年後復出拍劇，吸引不少人駐足觀看，而法拉亦被不少年輕男女讚她「好索」。

久休復出的蓮妹因早前一場鬧交戲而失聲，昨日她聲音沙啞上陣，蓮妹笑說：「冇諗過依家拍劇係冇劇本，要飛紙仔，我未聽過又未試過，覺得好奇怪，可能係一個潮流。」對於法拉這個新人，蓮妹雖因聲沙而少溝通，但亦大讚她：「佢好主動，聽到我有問題，會幫手畀意見。」而首日與蓮妹開工，法拉坦言有點緊張：「前輩嘛！佢真係好靚，皮膚又好。」問到可擔心被前輩搶鏡？她說：「就算搶鏡都係好自然，佢真係好靚。」

欢迎光临法拉城-陈法拉网站 (http://www.falachen.org/bbs/)