2007-10-5戲裏戲外鬥一番 陳法拉教廖碧兒中文泯恩仇

falafan

戲裏戲外鬥一番
陳法拉教廖碧兒中文泯恩仇
蘋果日報2007-10-05

        劇集《舞動全城》開播前後，網民一矢中的：「睇戲睇黎耀祥，睇身材睇陳法拉廖碧兒」。演技？舞姿？觀眾似乎志不在此。報道焦點都集中在兩位女主角爭仔（陳豪）以及惡鬥連場的傳聞上，女人的戰爭好睇過王賢誌喪寸崔建邦。自上位以來是非不絕，法拉對此說：「我覺得佢同陳豪好襯，我同碧兒都相處到、好好傾，佢仲教我跳舞，點解一定要話我哋不和？」
       
        陳法拉在《舞動全城》中飾演跳舞導師，不乏大型舞蹈場面，其中一場10多對男女一起跳舞，既講求合拍又要有美感，拍了一整天，法拉笑言脫鞋後兩腳傷痕纍纍。至於舞伴黃長興，她笑道：「佢都好合作，成日拉住我排練，好勤力，不過有時都會踩到我囉。」
       
        讚死敵跳舞勁
       
        自小隨母習中國舞的法拉，身段柔軟，即使在劇中改跳現代舞、拉丁舞一樣難不倒她，教人意外的是原來劇中死敵、現實中的「所謂情敵」廖碧兒也曾親自教路，法拉說：「我同佢喺套劇裹面一碰頭就鬧交，一係就鬥跳舞。Bernice（廖碧兒）跳舞好叻，佢真係跳舞出身，動作好sharp好有力，所以有時都會教吓我。」
       
        法拉所演的舞蹈學校太子女性格硬頸好勝，首集便因不忿被新聘的導師廖碧兒搶風頭，故邀約比舞分高下，更使橫腿欲勾跌對方。劇外有關法拉的傳聞一如其角色極富攻擊性，包括狂電碧兒男友陳豪、性感博搶鏡等。法拉笑道：「我覺得陳豪同Bernice好襯喎。」又謂：「我同Bernice都係講英文，好好傾，合作嗰陣真係一啲尷尬都冇。我中文好過佢，所以佢成日攞住本雜誌嚟問我：『呢段報道又講我啲乜嘢呀？』點解一定要話我哋不和？」
       
        跟華姐較熟絡
       
        一個教跳舞一個做解畫，似乎真是和睦。早前有報道指法拉被孤立，單聽剛才當事人剖白，表面證供不成立。問她在圈中知己有幾人？法拉說：「我同班華姐比較熟，好似李亞男、鍾嘉欣、楊秀惠咁，始終我係華姐出身，大家同聲同氣。」
       
        那麼其他當家花旦如胡杏兒和佘詩曼呢？法拉說：「咁係因為我哋未有機會合作啫，可能你見到有啲人開工成日講笑，但咁係咪真係代表好friend？如果你問我同邊個男藝員比較傾得埋，又會話我同邊個邊個有緋聞，o依家一男一女食餐飯都要搵個中間人避嫌，已經冇晒正常社交！」

        採訪：吳佩思
        攝影：林德雄
        服裝：Sistyr Moon
       
       
        身穿背心熱褲的陳法拉樣靚身材正，是不少男電視迷的新偶像。
       
        緋聞多多的陳法拉表示現在不敢跟男性友人單獨吃飯，完全沒有正常社交。
       
        陳法拉謂常教廖碧兒中文，兩人還一起研究八卦雜誌呢！
       
        談到有傳被孤立，陳法拉矢口否認，並謂與一班華姐比較熟絡。
       
        廖碧兒（右）和陳法拉在《舞動全城》中大鬥法，原來劇外兩人相處得不俗。劇照

falafan

陳法拉未想做煮婦
東方日報05/10/2007

陳法拉與陳志雲合力炮製一味燒汁蒸茄子，二人非常合拍呢！

        陳法拉日前獲無綫總經理陳志雲邀請，出席節目《志雲上素》擔任嘉賓，頓時被人指陳志雲偏幫她，不過二人一於懶理傳聞。已吃素多年的陳志雲，更於節目內教法拉炮製燒汁蒸茄子，身為總經理的他平日業務繁忙，不過穿上圍裙，拿起刀切餸時，確實有板有眼。至於法拉，在陳志雲的指導下，話頭醒尾，二人烹調的茄子，色香味俱全，看來，法拉都大有條件當家庭主婦。
       
        說到烹飪，法拉說：「其實我未正式學過煮嘢，不過早排我搬屋，買咗套好靚嘅餐具，咪試煮吓囉！煮得多自然有進步，依家啲手勢都OK，見得人o架！」說她大可以廚藝鎖住男人心，法拉笑謂：「咁又未得，等我嫁嗰陣我會正式學烹飪，依家咁多嘢做，想學都冇時間。」

falafan

陳法拉未想做煮飯婆
太陽報05/10/2007

        陳法拉日前應無綫總經理陳志雲邀請，擔任節目《志雲上素》的嘉賓，陳志雲信佛，加上茹素多年，對不少素菜的煮法略有研究。節目上他更脫下西裝，拿起刀切菜，見他刀法利落，而法拉在他身邊，頓時變了學生。今次二人在節目中炮製的燒汁蒸茄子，可謂色香味俱全。提起烹飪，法拉說：「早排我搬屋，買咗套好靚嘅餐具，都有試吓煮幾味招呼朋友，都見得人o架！不過我未正式學過烹飪。（咁咪可以用廚藝鎖住男人心？）」咁又未得，等我嫁嗰陣我會正式學烹飪，依家咁多嘢做，想學都冇時間。」

陳法拉與陳志雲合力炮製燒汁蒸茄子，合作起來確實有板有眼。

陳宇飛

如果可以試到法拉煮嘅嘢，死都制喇！

wore116050362

多谢分享 法拉的图图好美丽～