2007-9-6碧兒、法拉勁舞 葉翠翠借裙搶鏡

wore116050362

突破清純性感出招
鍾嘉欣暗寸法拉唔矜貴
太陽報06/09/2007

        鍾嘉欣與陳法拉兩個無綫新紮姐仔，一個斯文含蓄、一個性感惹火，本來互不衝突。但鍾嘉欣卻銳意轉形象，挑戰法拉性感女神地位，還暗寸她露得多唔矜貴。
       
        前晚《Vivienne Tam》時裝騷上，鍾嘉欣穿上品牌獨一無二的復古低胸背心連身裙亮相，她表示一向鍾情復古裙，並說：「我有時都鍾意着媽咪啲裙，佢後生時無論身形或樣貌都同我好相似，所以可以着到。」
       
        自認有睇頭
       
        鍾嘉欣還表示在新劇《珠光寶氣》中，突破地作性感打扮：「我喺戲入面嘅角色要好性感開放，成日要着低胸衫。（會唔會抗拒性感？）唔抗拒，睇場合着，有需要性感都OK，我依家都開始轉行性感。（有冇嘢睇o架？）有，我平時唔騷啫！」
       
        鍾嘉欣與陳法拉經常被拿來作比較，被問到是否見法拉性感受歡迎，所以亦跟風，她說：「我同法拉唔同形象，我都會Keep住呢個形象，耐不耐騷吓性感都好，咁先矜貴啲。」對於陳法拉經常接泳衣騷，鍾嘉欣說：「我頭一年都接好多，依家如果個期配合到都會着。」
       
        同場還有楊其龍、霍震霆父子及寇鴻萍母女，楊其龍表示將赴上海經營酒店，問到會否結識上海女友，他即用普通話示範冧女，卻將「我喜歡你」說成「我屎歡你」，令人捧腹！

陳法拉與胡楓昨日出席《舞動全城》宣傳，大跳社交舞。