《变节》影评汇总&讨论专帖（逐楼更新）

falafan

falafan

Laughing Gor之變節 Turning Point
網誌分類：本地movie

八月十三日 - 巴黎倫敦紐約米蘭 - 7:35p.m.

當一套電影如此快速製作,連半年時間也沒有的製作時間,還能要求甚麼嗎?

laughing哥原是電視劇學警狙擊的其中一個人物,當然當人物大熱起來,便有了拍電影的發展,而且更是由邵氏復出以及與電視廣播公司的頭炮作,由本地多產導演邱禮禱執導導,當中更有三位影帝黃秋生,吳鎮宇,曾志偉以及劇集中的主要人物謝天華,還有電視台的一大堆藝員參與演出,看似頗為吸引,但其質素實在令人搖頭.

首先如此速成的方式下製作,其質素絕對好極有限! 首先其劇本方面,絕對是本片的致命傷,此片絕對是沒有劇情,在整個過程只見主角不斷的給人追殺,以及停不了的flashblack;從而令人沉悶,以及覺得只是夾硬堆砌成九十分鐘的電影;更為重要的是,此片的劇情編排失當,以致laughing不是主角,其他演員看似比他更為重要的;其實某程度上全片沒有人是主角的,很失敗;不過當然此片你想看甚麼就給你看甚麼,你想看槍戰有槍戰,要飛車有飛車,要打鬥有打鬥,有這麼多的[娛樂]給你看,真的.......

演員方面,可能因為劇本差劣的問題,全片所有人沒戲可演,主要人物laughing謝天華只是重覆其電視劇演出方式,吳鎮宇仍是其一貫用力演出,黃秋生全場只是一個模樣演出,其他的更不值一提......

此片根本不像一套電影,沒有電影感,其實只是一套放在大銀幕上的電視劇一套;不過入場去看就預了這方面的;在這年本地電影出了這麼多港產電影,很多都是令人[驚喜],此片又不算差得那麼嚴重,但肯定是難看的一部.

falafan

• 岩岩睇完....唔錯..
  

  張貼日期: 2009-08-14 01:27

  
  
  評論者：miko_love715@ymail.com   |  2 個用家推薦這評論 (共2 個)
• 劇情緊湊...
• 時間轉變得太突然....

岩岩睇完呢套電影...唔錯...
先講下好果方面:黃秋生同吳鎮宇都做得好好...但稍微搶過主角風頭...陳法拉亦做得唔錯...尤其係佢以死威脅吳鎮宇果陣...佢死果陣我仲喊左出黎...
但我覺得有d方面可以改善:時間轉變得太過突然...有時會令人反應唔切...
另外...我對此劇亦有一個疑問...一開始既時候話...黃秋生曾係底..佢曾經出賣過社團...佢辭職後...據常理應會被人追殺...但點解社團會重新接受佢!??佢係咪曾做過某些事呢!??呢樣係劇中並無提及但令我深感興趣既事...希望遲d導演會解答啦...
總括以言...呢套都算係一套值得一看既電影...




誠意之作

張貼日期: 2009-08-14 01:22

評論者：juicylemon2006   |  1 個用家推薦這評論 (共1 個)

• 劇情緊湊
• 好多大茄, 尢其係葉翠翠

比我預期中好,又好多秋生既笑位~最後面死左好多人,法拉同鎮宇既兄妹情好感人呀~好多主要既演員都做得幾好,值得去睇~
好!!! 入場睇~支持佢!!

張貼日期: 2009-08-13 23:08

評論者：yin_002   |  3 個用家推薦這評論 (共4 個)

• 緊湊冇悶場!!2個鍾既戲好似睇左1個鍾咁>_<因為冇悶場!!
• 天華戲份好像少了點...

真是值得一看,位位演員也很出色.
吳鎮宇&法拉的親情戲-感人
還有黃秋生,謝天華的情義戲也做得好好!
打打鬥鬥之外也有笑位.令觀眾們不用每分每秒也帶著緊張心情!

其實本人有點出乎意料...搬上銀幕後有點太暴力...沒想到,因為在劇集時都沒有的@@
總之.這麼短的時間內能拍出這樣的水準,已經值入場價!!
話唔埋可以拎影帝

張貼日期: 2009-08-13 23:03

評論者：sasav3v   |  1 個用家推薦這評論 (共1 個)

• 有感情 有剪接 有槍擊戰 有賽車
• not happy ending (唔可以爆情節唔寫得)

好睇過好多香港電影
主角戲份差唔多 交足戲
不枉係演得之人

好多估唔到既位
由奸變忠 忠變奸
哥哥鍚妹妹呢part最鐘意
可惜.....可惜
好片一套!

張貼日期: 2009-08-13 22:05

評論者：benben2434   |  3 個用家推薦這評論 (共4 個)

• 有gag位,槍戰斬人樣樣有,冇咩冷場
• 套戲太短

我覺得套戲好好睇,故事雖然覆雜但交代清楚,笑位真係好好笑
我最鍾意最後槍戰,夠激烈,拍攝方法完全把黑社會的情感表達出,特別係陳法拉同吳鎮宇的兄妹情,真係好好
不知所謂

張貼日期: 2009-08-13 21:55

評論者：eelhammango   |  4 個用家推薦這評論 (共12 個)

• 一個電視藝員竟然夠膽拍電影
• 只是一套縮水電視劇

加三個影帝以為好掂，可惜導演功力差，謝天華在戲中如演電視劇，女主角完全不懂做戲，總之一句---垃圾兼搵笨。但竟然有影迷畀5粒星，做媒?

falafan

Laughing升呢三影帝出山入戲
東方日報2009-08-14

        由開拍至上映，《LAUGHING GOR之節》只花了四個月，加上片中演員多為「無綫友」，不禁令外界憂心此片「戲」味不足。幸好導演邱禮濤功力深厚，加上天華與三位影帝亦起化學作用，令此片戲味濃郁、劇情緊湊，但全片最教人驚訝的，卻是演技大躍進的法拉。

        今年電視劇《學警狙擊》令飾演Laughing哥的謝天華紅透半邊天，無綫決意食住條水，以邵氏電影名義來製作，將Laughing身世拍成電影《LAUGHING GOR之變節》。作為邵氏廿二年後「復工」頭炮，加上為凸顯Laughing哥身價，無綫不惜工本，請來三位重量級影帝曾志偉、黃秋生及吳鎮宇出山助陣。得三位影帝協助，票房自然不成問題，唯一憂心的，就是該片除謝天華外，絕大部分演員皆為未拍過電影的無綫藝員，令人擔心過於「電視」而欠「戲」味。
               
        雖然暗藏隱憂，但善於發掘演員特質的邱禮濤就完全抹去觀眾的憂慮，因為看畢《LAUGHING》片後的觀眾，絕不會想像到故事是由電視劇演變而成，戲內除飛車鏡頭予人壓迫感外，當中鎮宇以玻璃樽「爆」天華頭一幕，觀眾如親歷其境，感受鎮宇施刑天華受虐，相信這場戲令不少Laughing迷看得心痛。
        
        法拉大躍進

        天華及三位影帝的演技毋庸置疑，不過全片最令觀眾驚訝的，就是兩位無綫小花陳法拉及呂慧儀。當中尤以法拉的演出最為精彩，這可能是拍着鎮宇演出的關係，法拉得以乘機偷師，令其演技明顯進步不少。其中一場跟鎮宇的對手戲，除了讓她洗去電視味外，更加能夠感染觀眾達致「同悲」效果，實在值得一讚。
        
        必睇位：

        陳法拉初吻
        戲中謝天華因背景問題而主動跟陳法拉分手，法拉為了挽回愛郎，追上天華並主動獻吻。
        
        謝天華被爆樽
        吳鎮宇因不滿天華跟其妹法拉拍拖，故將他綁到茶餐廳行私刑。鎮宇親自出手以可樂樽痛擊天華頭部，無奈該樽打極也不爆，搞到鎮宇要不斷執樽再打，血中帶笑。
        
        法拉以死救天華
        鎮宇找到逃亡的天華及法拉時，即在法拉面前將天華毒打，法拉救郎心切，即擺脫眾人並打爛玻璃樽「行」在自己頸上，試圖脅迫其兄罷手。
        
        秋生被打至反櫈
        戲中本為臥底的秋生，被同為警察的黃日華及黎耀祥拉回差館問話，秋生更被毒打至反櫈。該場戲在開場不久便出現，遲入場隨時走雞。

falafan

計算精確的 laughing 秋生哥
户口已锁 发布于：2009-08-14 01:07

電影有著近年來港產片最難看的海報也無影響 laughing 迷在這一天走到戲院看"電影版的 "laughing gor" , 我看的這一場一個空位也沒有,九成是中學生青少年,不是真的是放暑假的關係,還是laughing 真的迷倒了他們.

我要先說一下,我不是什麼laughing 迷,更沒有怎麼看過學警狙擊,只是閒時看十幾二十分鐘, 但重點和劇情我是知道的.

電影一開始沒有了SB 的經典LOGO !!



首映也是沒有的, 但TRAILER是有的，有說是因為怕老土的理由而不再用上，　換上的是和ＴＶＢ　和ＳＢ　平排的ＬＯＧＯ開始，電影有著一個何其之80 年代的開始，人物相片加名字介紹.....而第一個黃秋生，第二個是吳鎮宇，第三個就是我們的Laughing 哥， 從這個安排就知道黃秋生是絕對的男主角．難怪在首映當天黃秋生因為座位問題而不歡而散，更大鬧身為主要演員都無座位，直情變咗『大茄』！這個”茄哩啡”按道理的話其實應該是謝天華才對的．因為全片除了黃秋生之外每一個人也是過場式的一現，就好像黎耀祥和曾志偉這類．如果不是”柴九”大熱，可能根本就沒有黎耀祥的份．

”介紹”完畢之後已經是Laughing 哥行走江湖的日子了，他身為一位臥底探員協助元彪打擊一個販毒走私行動，而元彪在中途出了意外陷於昏迷，但負責案件的黃日華並不知道Laughing 是警方派去的臥底，行動事敗了Laughing被捕．幫會頭目曾志偉擔心他會供出黑幫的資料，於是要其手下黃秋生和吳鎮宇飾把Laughing解決掉。　而laughing 身處於不黑不白,兩道也追殺的情況．

電影可發展／發揮空間不太大，還是依然看見，無間道Ｉ，ＩＩ　和黑白道的影子．全片給你的感覺是他很努力想把電視劇味道打掉而換上黑社會電影的感覺．但很可惜因為成本資金問題，全片有點電視電影的感覺，除了對白”三級”一點之外，大致上可以說和電視劇分別不大，　特別那一場飛車戲．兩輛車輛在九龍灣工業區飛車追蹤沒有什麼質感．動作場面也不太多，　只是大部份為追捕Laughing 的鏡頭．希望在片中看到觀能上黑社會電影中的那類大動作場面的話，相信一定會令人失望的．

劇情方面因為劇本功力有限的關係，舖排方面不是做得很好．黃秋生是本片的絕對主角，他是Laughing 的老大,是他招他做門生, 也是他放Laughing 到警察里做臥底的，即是”臥臥底”　換言之這里已經和無間道相撞了，而黃秋生自己當年也是臥底之一，之後變節成了黑社會．這里在劇情講述上也有不少的．而他不只戲份重，他的造型更何謂驚天地！　看到他我只想到Boy George ．（全部是黃秋生自我設計的）一身有型得可怕的衣服，眼上的眼影．我不覺得嘔心嚇人，放在黃秋生身上只覺得驚為天人．相比其他演員，沒有人可能和他一比．　而另一男主角吳鎮宇就少了他以往的歇斯底里．但感覺上依然走不出他那個做戲方法，還是有點古惑仔o靚坤的味道．更因為電影關係．他的對白依然是那類三級攪笑那種．笑位大多數也是出於他身上．而他和妹妹的一條感情線反而不錯，又是黑社會哥哥不喜歡妹妹和黑社會男朋友（laughing）拍拖那一類．這個妹妹陳法拉看得出很努力去做這個角色，而戲份上她也不少的．可惜就是掉不了電視味．還上不了大枱．怎樣說也只是一個花瓶而已．　但另一邊他和laughing的感情線就差得多了，就是一眼看上，另一邊已經是男女朋友關係，更愛得要死那一類！直接為了要交代而要交代那類支線吧．

而當Laughing 的過去是用插敘方式描述，這個位置做得不錯的，　每次閃回也是在發生了一些事情時就用電腦特技在畫面上變回過去．現今和過去的分別當然可以用造型來分別出，在閃回過去時也很清晰不會分不清那個才是那個時空的．他怎樣走上了黑社會之路,和黃秋生的感情,還有和吳鎮宇的怨恨都是在這里全部交代了．不過laughing 還是太過平面.描述內心那些還是欠缺了一點.

之前Laughing 說過電影會在內地上映．有可能嗎？　單是一場吳鎮宇爆樽戲也上不了吧！這場戲是吳鎮宇拿著可樂樽，打在Lughing 頭上，一次爆不了，在地上拿起來再爆，又不行再拿了一個再爆，但依然是爆不了，戲院的人大大聲地笑．吳鎮宇一句”就唔信爆你唔到！！”　很明顯地這一場戲是應該ＮＧ了的．但大家戲依然做下去，出來又可以所以便留了到電影里．　本片只有88 分鐘，要在內地上映．一刀兩刀相信只餘下７０　多分鐘吧～～直接看ＤＶＤ吧不如~~~
不過本片全是用數碼做的,畫面又光又清, 音響更可謂十分之高水平,又大聲又清晰.如果不是在大銀幕看的話實在有點浪費.但相信到時推出DVD時質數也不會太差吧！

最喜歡在結尾時直接翻拍了學警狙擊的其中一個場景，吳卓羲和陳鍵鋒這兩位警員給 Lauhing 玩弄． 就這樣一個場景就把電影和電視劇接上了．

其實如果電影失敗了，錯也不在於導演的功力身上，這個是一定的！電影製作費1300萬.．但我不怎麼看得出成本去了那里，拍出來的東西很低成本．很土炮更十分之９０　年代．特別最後一場工廠大戰，全部人也是站著送死一樣！何謂送死？就是明明可以把那個人殺死，但還是要拿著手槍指著對方，之後便給後便走來的人殺死．這類低級情節除了是”錢作怪”之後，我很難相會出現於２００９　年！　成本上很大部份是去了天文數字片酬的黃秋生和鎮宇身上吧～～　但全片有著嚇人級數的贊助商出現，這部片想沒賺錢也難呢！　我想都不用想就說得出口的就有，食店，電視，電話公司，啤酒，水，車．．．．商業味真高！！

掛著無線這個金漆招牌的第一部邵氏回歸港產片．而第一天的票房來說算叫不錯了，相信過千萬是絕對有可能的．但事實上很抗拒的人還有不少，我自己還是希望邵氏會再多拍片．多拍港產片．電影還是有港產片味道的，　只是９０　年的味道吧！邵氏回歸電影的路可有很長的路要走，　真希望之後的幾部新作不是用本片這類”平，靚，正”手法拍攝就好了．

falafan

斜体字剧透

淚水
網誌分類：Story@Story |
網誌日期：2009-08-13 18:32

老實說，我一開始對這電影沒什麼期望。
但是，我流淚了。
你知道嗎，我從來都不曾為過一套電影而流淚！
不過嘛，今次我不是為Laughing哥而傷心或感動得流淚。
而是為我一向都很不喜歡的吳鎮宇大哥。
雖然他在這電影中是個大壞蛋，只不過，他真的很疼他妹妹[陳法拉]。
就算是梟雄，也會敗於情字上。
而這位黑社會大哥，也是敗於一個情字，不過是親情。
因陳法拉中槍，所以吳鎮宇心痛地擁著她。
就在此時，黃秋生對吳鎮宇開了好多好多槍，但吳鎮宇仍緊緊抱著妹妹，不願再讓她再中多一槍。
也許，這位哥哥對妹妹的親情，比愛情更深厚。

雖然他做過很多壞事，但他仍未變為冷血的人呢。

黃秋生...覺得他好壞，但也覺得他好可憐。
如果，他的同伴信任他。
也許，他不會成為黑被會的一份子。
-__-忘記了Laughing哥...
這電影好好看，是我今年看過的電影中，最好看的一套。
雖然有點電視劇feel，但仍是很精彩。無論是男主角還是男配角，也演得很好。

falafan

收106萬...真係岩岩過左殺人犯
其實以尋日個勢, 報130-150萬都唔奇嫁
[引用]| 作者 Rat | 14th Aug 2009

而這一部華語片是真正的港產片，不是偽港產片.!
第一天106萬加上目前見到的口碑，估計最後會在1100萬至1200萬左右。
[引用]| 作者 andrew88 | 14th Aug 2009

falafan

http://www30.discuss.com.hk/viewthread.php?tid=10359544

by cy12812cy

另外編劇. 在故事細節 都幾緊湊的.
有張力.
例如描寫一哥 秋生. 都值得一提. 寫得很好.
葉天成 手筆尚算不錯.
加上元彪 既呀sir 角色. 經常 和秋生對戲.
雖然元彪 不是近年不是經常拍電影. 但今次令人另眼相看.
邱禮濤 今次拍得都幾好. 令我注意左佢.
雖然今次明玩臥底片. 有時都太過火.
但處理都算係咁. 特別係臥底任務. 經常出現內心矛盾.
香港電影都唔止今次拍臥底片.
但講臥底既內心戲. 有深道沒有多少套.
真係有印象的. 只有家輝既 黑白道.
今次唔係集中一個. 起碼有 laughing 同秋生.
不過 秋生既角色. 比較全面一點.
不過後尾.......比較自私左.......
反而後段. 比鎮宇搶左戲.
黃日華都唔錯.
至於鎮宇. 開頭都不及 秋生多戲份. 後尾發揮影帝本色. 故事編劇又平衡返. 算係咁.
另今次. 唔好以為. 這電影繼承 電視版本. 講警察. 正義等等........
呢次要當 黑幫電影咁睇. 先有味道.
點都好.
雖然後尾. 臥底實在太多. 過了火. 但都合格有餘既.
值得入場睇睇. 呢d真係有誠意先拍得出.
好過 殺人犯 多多聲.

秋生 拍住其他影帝. 鎮字呢d. 真係好出.
重有柴九. 佢都有d影帝味. (雖然在這片. 提名應該都係 秋生. 鎮宇之爭.)
聽聞 秋生出動自己私伙野.
但今次秋生. 真是落左心機去拍.
有d位. 秋生重度埋喬.
重有女主角. 都係秋生選的.
佢今次都好有誠意去拍. 又冇理由唔支持返港片.
佢拍王晶. 今年個部. 金錢帝國. 拍住梁家輝. 都ok.
不過真係不及今次d 水準. 呢次個角色. 都唔單止是 表面做一哥. 大佬咁簡單.
劇本唔少故仔. 寫一哥都唔少.
可以講 深入探討 臥底既 內心世界.
內心戲 當然少不了.
另記一功. 真係編劇 葉天成.
手筆都幾有水準.
曾志偉 今次都有份演出.
不過就不要期望有 無間道個種霸氣了.
佢雖然比 秋生. 鎮宇職級大. 但d 衣著........
重有. 有時睇 秋生個 look. 又真係幾難頂.........
正正常常. 睇鎮宇. 天華比較好.

by 黃昏死神

成套戲不斷現實,回憶,現實,回憶...咁交替,
開初謝天華出事黃秋生不斷保佢...
到最後知道謝天華有機會篤佢出嚟,
就借機想殺埋佢...反而吳鎮宇開初就想幹掉謝天華,
到尾為了陳法拉幫助他們逃亡...
重要的對白全大多落在幾個主要角色身上,
無記的人除了陳法拉,呂慧儀比較多...
其他的都一句起兩句止...
李思捷,黃德斌開初已出場,
但差不多要到完埸前才有對白...

by gaxiola

比預期好!!情節爽快...
雖然角色所限laughing冇咁出位
但首次擔正大旗的謝天華絕對唔差過幾位影帝
而法拉同長腳蟹都好ok!(估唔到!)

今晚全院滿座好好feel,
$65!抵睇!!!!

by 大頭村

時空交替個時好混亂~~有時唔知係現在 定係過左去既事咁~~同埋黃秋生個妝真係唔知想點....太厚~雖然都係幾型~~
套戲開頭幾緊張好睇....仲有臥底做卧底既笑位~~中段開始真係悶...完場個個都係針~~個個都要死咁~~法拉感覺都仲係新....最欣賞反而係吳鎮宇~佢馭尾同法拉個d兄妹情幾好睇~咁~~~

by koyo_toya

引用:

    原帖由 yvonnecheung99 於 2009-8-13 06:51 PM 發表
    我覺得角色太多，其實可以減返少少，集中講秋生同laughing已經可以，
    要講埋震宁同法拉就真係唔多夠時間。
    仲貪心到整埋李思捷，黃德斌就真係無謂。
    黃日華同秋生條線應該再加多少少戲會好Ｄ，至少以佢地既角色關係，第一場係差館就應該多Ｄ交流喇，無理由唔敍下舊喎，而家一句對白都無，搞乜？

我今日睇左埸9點半 , 都坐滿晒好熱鬧 , 講返套戲 , 真係吾夠時間 .
90分鐘都冇可以講到幾多....話佢貪心太多人物 ( 無線演員 ) , 又吾可以話因為佢浪費時間 .
其實都係電影裡面既路人甲乙丙 , 只係大家都認識佢地 , 法拉戲份先成為最大的犧牲品 .
話laughing 哥 ( 謝天華 ) 係主角 , 不如話一哥 ( 秋生 ) 仲似 , 戲裡面我最鍾意係飾演座頭既鎮宇...
好吾好睇其實一般 , 可以拍120分鐘就交代得清楚d , 失敗地方幾本上冇 , 好成功又吾覺得....
個人評語 : 不過不失之作

by 叮叮123

節奏去得幾快，唔悶唔拖泥帶水，有D對白幾好笑，好睇
難得的是個個演員都做得好，秋生、鎮宇、黃日華、祥仔唔駛講一定好，天華、呂慧儀、法拉都做得唔錯，反而思捷同祥仔太少戲了
不過演員真係太多，搞到有D演員出得幾個鏡頭就無左，黃德斌出得幾次，敖嘉年得一句對白，高均賢、袁偉豪好似連對白都無
最尾阿ron同陳鍵鋒出場和laughing提到的孝哥令人聯想番學警狙擊，銜接幾好

falafan

看过的人进来讨论下啊

falafan

http://hongkongfilms.mysinablog. ... p;articleId=1883032

開畫票房：《Laughing Gor之變節》過百萬開畫
Ryan | 14th Aug 2009 | 講鏟票房

本周開畫電影共有三部，不過由於重心僅在於港片《Laughing Gor之變節》身上，加上其他電影票房隨著次周上映開始下降，令全日票房共收374萬，較上周四的432萬下跌一成多。

三部開畫電影雖然均以大型發行，但卻有著不同的命運。當中邵氏與TVB製作的《Laughing Gor之變節》成績最為理想，開畫安排於35院映198場，錄得106萬的開畫數字，為今年暑期港片至今最高數字，至於每場人次則跟上月開畫的《殺人犯》相若。《Laughing Gor之變節》開畫理想有多個有利因素，當中電影屬邵氏多年來出山之作，吸引了一眾對邵氏作品期待的觀眾，同時以《學警狙擊》劇集為藍本，亦不少有看該劇的觀眾入場，加上電影片長不足九十分鐘，令部份戲院可以加開場次。觀乎走勢千萬已該不成問題，但繼後票房則要再看口碑才可預計。

可是，同樣屬於港片的動畫《麥兜響噹噹》雖然開畫日安排於34院映199場，可是首日票房僅錄得25萬，每場平均人次比起《多啦A夢：大雄與綠之巨人傳》昨天的人次還要差。《麥》片雖然同樣片短，可是大部份戲院僅能安排日場播放，九點半場幾乎絕跡，加上前作《菠蘿油王子》反應平平，而題材又給人感覺像為內地拍攝，令電影在港的吸引力進一步減退，雖然未至周末嚴重縮場，但繼後票房並不樂觀。

同日開畫的荷里活喜劇《迷失侏羅紀》安排於25院映122場，開畫約37萬，撇除場數較少因素後，入座相關數據僅能與上周開畫的電影相若，成績不算理想。《迷》片雖然以在宣傳上看似以恐龍作賣點，可是該類型的大片已推出多時，新鮮感不多，令觀眾對電影興趣不大，也直接影響了開畫的成績。

至於上周開畫的《義勇群英之毒蛇風暴》，昨天於38院映192場下收約51萬，雖然場次較上周減少一成，但票房則少近半，觀乎電影入座不及《Laughing Gor之變節》，恐怕周末會安排座位較少的影廳播放甚至略為減場，將影響周末票房爬升。目前《義》片累積776萬，相信仍有望過千萬大關。同日開畫的港片《大內密探靈靈狗》次周於37院映146場下收38萬，票房較上周四下跌近六成，累積八天票房達626萬，當中新寶阪線旗下六家戲院票房佔該片約三分之一，單是寶石及影都兩院雖各映四場，但錄得二萬成績，如斯情況要達八百萬票房也該不難。

七月底上映的彼思動畫《沖天救兵》隨著新片開畫，昨天於38院映159場，放映場次較上周減少六成下，昨天以58萬位居次席，較上周四票房下跌一半，但是每場人次僅減少一成多，且看周末在家庭客源帶動下能否再錄得逾百萬單日數字。目前《沖》片累積達2,406萬，若果走勢不差的話，累積至三千萬仍有希望。同日開畫的港片《竊聽風雲》昨天於40院映119場下收近28萬，累積則達1,219萬，看來周末該過千三萬水平，但能否再進一步就要看其票房走勢。

華納發行的《醉爆伴郎團》踏入第三周雖然縮至18院映34場，但昨天仍收九萬八千，每場人次更較上周四升一成多，相信是口碑帶動所至，令電影累積15天後達364萬，四百萬票房該不成問題。不比之下，上周開畫的《地獄巫門等你來》在票房與口碑欠理想下，次周票房仿如下了地獄，於14院僅映26場，場數較上周大跌八成下僅收六萬一千，前電影累積約 171萬，恐怕只能約二百萬落畫。

falafan

價回票價~

張貼日期: 2009-08-14 14:38

評論者：thpearlyeung   |  2 個用家推薦這評論 (共2 個)

• 演技好~~
• 短左少少，但一部好電影唔應該計較長短ge~

其實一開始都冇抱太大期望入場，但直至到我去買飛時，竟然成個場都比人訂哂，得番頭幾行……原來Laughing Gor咁厲害吸引到咁多人睇。成個場爆哂，真犀利！
至於電影拍攝方面，我開頭諗：「咁多電視演員，會唔會有過多電視味道呢？」點知又冇wow~~又有幾多笑位！
演技方面，Fala都幾好，有進步，而秋生同鎮宇是演技級人馬，Laughing Gor都唔錯！
最有趣係會係套電影入面見到我地成日係電視見到的演員，唔知呢？個感覺都幾得意！
但建議係睇之前要起碼認識左Laughing呢個人物ge身細之類，如果你都唔會知最後佢想交帶D咩呀？整體黎講，值回票價啦。
值回票價

張貼日期: 2009-08-14 14:08

評論者：wingsze246   |  3 個用家推薦這評論 (共4 個)

• 冇悶場 成部戲整體都好好 人物角色場景等
• 唔想變番好人既人死

比大內密探好睇好多
由本身以為麻麻 到最後覺得真係幾好睇
同埋推薦大家去睇 咁就有得拍續集啦

goodshow
仲有一個不足之處 laughing幾乎唔太鐘意laughting嫂 (愛既程度低過座頭哥好多好多)

falafan

不過不失

張貼日期: 2009-08-14 17:23

評論者：smball123456789   |  1 個用家推薦這評論 (共4 個)

• 法拉有突破
• 條橋太普通....來來去去又係番抄古惑仔

非常普通,劇情老土,但演員用心
超級好睇 , 有笑位 有喊位 仲好刺激!!

張貼日期: 2009-08-14 19:22

評論者：betty85a   |  2 個用家推薦這評論 (共2 個)

• 全部
• 太短 :( 好暴力

完全無悶場 .
呂慧儀做得唔錯!好惡.
陳法拉為謝天華要脅吳鎮宇個part好感人
佢演得好好!
黃秋生 黃日華同謝天華對峙個幕好刺激!螢幕白左.好正 有懸疑感!
最尾槍戰勁好睇 好緊張 !!
好好睇呀.
快d去睇...

張貼日期: 2009-08-14 22:17

評論者：gingerlau86   |  0 個用家推薦這評論 (共0 個)

• 劇情好緊張,法拉好識做戲...
• 太短了...長d好d...

秋生冇搶戲,係劇情安排...要交代返所有野,有埋下伏線...就是秋生令laughing更肯定自己是police還是thief..因而laughing哥之後做uc先更神似..
演員做足一百分 劇本零分

張貼日期: 2009-08-14 22:50

評論者：lktsin9188   |  0 個用家推薦這評論 (共1 個)

• 謝天華 秋生 震宇都做得好好
• 呂慧儀 + 劇本

劇本簡直差到爆燈 度唔到不如唔好拍啦
果個又底呢個又底.. 上腦咩..
不過勝在演員演技搭夠 唔係咁既班底加咁既劇本的話真係仲廢過靈靈狗

falafan

Laughing Gor
網誌分類：我的消閒日記 | 網誌日期：2009-08-14 23:06

昨天相約了兩個舊同學，一起到沙田晚餐。剛剛七點到達UCC Cafe，門口已經滿是人，等了一陣子才獲安排座位。我們點了三份套餐，食物水準不過不失，最吸引的是久遺了的沙律bar。席間提及到好些電影，更即興地決定到旺角看戲。

可能是第一天上映的關係，連去了三間戲院都只剩下前排位置。我們最終（豁出去）決定坐第二排的中間，看的就是laughing gor。電影情節很緊湊，也能配合電視的劇情。由於坐得太前，好些太快的動作畫面我都看不清。每次看電影我都像個白痴，總有不明白的地方，總要身旁的好友為我解釋一番。

電影中吳鎮宇背部連中多槍，仍要把垂死的陳法拉擁入懷，兄妹之情令人感動。兩位兇狠的黑社會座頭，其實也有人性的一面。黃秋生在戲裡的化妝，像藝術，確令觀眾留下深刻印象。這兩位影帝配角，實在搶掉了不少laughing gor 的風頭。陳法拉有標緻的面孔，演繹不誇張造作，難怪近來常聽到有關她的讚美說話。

falafan

LAUGHING GOR之變節 (TURNING POINT)
網誌分類：老獨。看電影 | 網誌日期：2009-08-15 02:13

入場前,沒甚麼期望,所以,收貨.

電視劇我只間竭性地看過後半部份,不過管它的前傳後傳外傳,就算沒有看過電視劇,都應該會明白戲中所講.

卧底片去到"無間道"似乎已經被玩厭了,"三年又三年"我們已經太刻骨銘心,所以請原諒觀眾們是很難再投入去感受謝天華那種"卧中卧"的慘況.

選角成功是此片可以被列入為"好看"的重要因素.黃秋生依然神采飛揚,在忠奸正邪兩邊游走演來如行雲流水;吳鎮如奸足大半場,一除黑超卻化身成有情有義好大佬,最後他的死反而讓我們替他感到可惜;陳法拉無論是外形與演技都是眾女角中最突出的,我會以"驚喜"來形容她的表現;黃日華不知怎的一拍電影便無晒神彩?呂慧儀葉翠翠連對白都未唸得好;最可惜是我很喜愛的李思捷與黃德斌在兩位主角太強之下只能淪為活動佈景板,可供發揮的機會不多;電視藝員中最搶鏡的依然是"枈九哥"黎耀祥.

謝天華又怎樣?能夠在一齣叫做有點卡士的電影中擔正,我只可以說,他正在行緊一轉好多演員都還在等待緊的大運.

falafan

http://www6.uwants.com/viewthread.php?tid=8567049
>|Laughing Gor 之 變節|< 睇後感 {冇劇情}
by  SOS!!!!!!!!

首先要聲名
一開始睇呢套既時候,吾好係咁lum住學警狙擊果個laughing
因為好多野都吾同

論缺點
呢套戲好多flashback鏡頭
非常亂...
睇到我要靠認佢地件衫黎分別係吾係flashback黎
laughing本身個角色又錯綜複雜
如果再加埋大家對學警入面既laughing既了解
大家一定會睇到頭痛...

黎耀祥呢個角色好無謂
好似係特登整個角色出黎俾人憎下咁
浪費左柴九

仲有,
影帝級既曾志偉居然仲少戲過李思捷?!
淨係係到凸個肚腩出黎put扇

好牽強咁link返去學警個laughing到
完全同學警入面laughing個背景吾同

論優點
黃秋生(阿一)同埋吳鎮宇(座頭)兩個角色都好多gag位
對白之間都既幽默

動作場面都幾好睇

因為係前傳,,
導演好有心機咁講d警察制服改用舊式(綠色)
>[缺點]但係後尾吳卓羲同陳健鋒都著舊式就吾岩...
>[缺點]因為根據學警狙擊,當時佢地應該係已經換左新制服


論演技
謝天華同陳法拉呢2個電視演員黎講
冇乜怯場,幾好

d影帝吾使講喇
梗係好啦

另外呂慧儀我個人覺得做得吾錯
幾投入
好型
仲型過長腳蟹xD

論拍攝/剪接技巧等
拍攝角度大致上吾錯
有幾個one-shot過既鏡頭
幾好

音效冇話特別好特別吾好
好一般

剪接就好似我頭先所講
d flashback好亂..
加上佢冇果d sepia, b&w 之類既effect
好難分辨到底係咪flashback


評分:4.5/10

by King'mes

flashback我都覺有d亂
黎耀祥個角色一d都唔無謂,
一個斯文o既上司(黃日華)係要有個粗魯兇恨o既手下襯托and「做o野」
曾志偉只屬「客串」性質,少戲份係正常不過
制服方面,尾場吳卓羲同陳健鋒無估錯應該係啱啱由學堂出o黎o既散仔
唔該樓主再睇多次「學警雄心」先
演技o黎講,謝天華以前拍開戲,又做開「大天二」,點會怯呢
(古惑仔都有「大飛」同「o靚坤」啦)
陳法拉呢個電視演員o黎講,就都算ok
呂慧儀就唔係好得,身為「一哥」身邊最得寵o個個
佢只係比「讀」晒d對白出o黎好些少,做唔出角色應有o既氣焰
音響方面,其實幾場炒車同尾場槍戰都唔錯吖
至於拍攝嘛,其實佢有好多out focus
如果獨立當佢一套戲o黎睇,本人覺得有7分
(由於要應電影公司(其實係TVB)o既要求,套戲拍得超趕超急,這要體諒一下導演)
ps.感覺上黃秋生同吳鎮宇先係呢套戲o既男主角,所以齋睇佢地都低

by 渠王詹

呢套戲一開場見到係無線班底我都有啲驚.....
不過齋睇座頭同一哥嘅對白咁抵死已經夠晒皮,
長腳蟹算係做得唔錯, 我仲覺得佢做得好入格,
法拉做乖乖女早係熟手,
laughing都做得唔錯, 真係做返"學警"嘅角色, 亦擔得起第二主角...
不過去到中尾段, 無線手法又出來 ... :044:  
思捷同彬兄嘅25仔角色就不斷好快比在場觀眾估到.......
港產片, 都算係中上水準. 有 80分.....

falafan

by Polynomials

啱啱睇完，不過不失啦，
好明顯係趕工拍出來，可幸效果也不差
情節都幾緊張，(最衰東張西望成日播D 探班片，搞到我估倒D套戲講乜)
有D似將好多劇情lui埋一堆，但係拍攝出來嘅表現方法不多，劇情雖多，表現卻未夠豐富
都係在不同地方講數，劈友，好似交代咗就算，冇諗過點樣包裝好佢
最明顯莫過於曾志偉的戲份在同一個單位內拍攝。
笑位幾多，亦都唔爛，唔錯。
演員交足貨。黃秋生好搶，王日華相較被比下去。
法拉好無辜，空有女主角之名，似乎對白仲少過長腳蟹。不過表現不錯就是了，就是發揮空間不多，很可惜哦。

我俾65分。
如果交代得好D  (例如點解最後一哥要殺laughing)，套戲長少少，
有緊湊之餘亦有多點情感的畫面會好D

by fionxajv

其實我覺得七哥已經變左真正既反角色,
係最尾座頭幫LAUGHING走佬, 佢係唸順便埋佢地兩個單,
咁佢就可以刪除座頭個勢力, 而且七哥時真時假, 並唔係對LAUGHING講義氣,
到最後有機會既時候殺唔殺都係無所謂, 只係今次拖到座頭落水..
七哥殺座頭果一幕真係好衰/  \ 竟然係偷襲..
法拉第一次遇見LAUGHING果幕好搞笑.. 專登整效果, 好似眼前一亮咁..
座頭係口臭d.. 但成齣戲最有感情係佢, 真係好感動。
七哥跟出跟入果d囡好掂, 同律師坐果幕, 係咁摸手仔
閩南話又得, 英文又得, 駁嘴又得, 槍戰都得,
齣戲雖然LAUGHING係主角, 但完全被七哥同座頭呢兩個影帝搶哂..
最尾果度槍戰太多臥底喇..

by 愛者神

個人認為，今次laughing角色比起黑白道的張嘉輝還要痛苦，張家輝起碼始終係臥底探員，只有一個身份，但係laughing就有雙重身份，而且兩邊都派佢做臥底，一出事就兩邊同時追住laughing黎走，一世子都活在警察和黑社會，係邊緣處走動，容易變節，一時變警察，但一時又想變黑社會，個心態起伏好矛盾，相信此角色比張嘉輝還要瘋狂

而黑白道中張嘉輝做左8年臥底，就算全世界唔信佢都好，起碼張嘉輝自已信自已，自已能認清方向，知道自已根本不會變節做黑社會，有目標係想證明自已的清白，但係laughing呢? 佢根本係連自已都唔知自已應該向邊到走，一時向黑社會，一時向警方，令兩邊都愈黎愈懷疑laughing究竟係唔係對方派來的臥底，連laughing自已個人的目標都不能清楚，even laughing都墮入心魔地獄，只能拚命去走，去避，不能像張嘉輝有理由，光天化日下向警察證明自已的清白，所以laughing應該個人起伏會較大，值得一看

ps: 香港電影史上，就算黑白道都好似無出現過以上情景，黑社會派臥底去警察到，警察又派番佢入黑社會，結果連臥底自已都唔知自已做緊咩，真真正正的永墮無間地獄，黑白道既張嘉輝，無間道的梁朝偉同劉德華起碼都知自已做咩，變節個時目標都轉移得好快且清楚分明，但laughing根本目標都唔知去左邊，係臥底電影中幾少有，加上劇情幾好，拍攝技巧又好，兩大影帝助陣，相信呢套戲收的錢都會幾高下 !

by Figaro

今朝睇太古早場, 爆左8成有多, 真係估唔到, 重有唔少老人家捧場
講真, 只係用兩三個月籌備,開拍, 有咁嘅成績真係唔錯.  劇情方面, 上邊都講左唔少費事重複, 但時間真係短左D, 可以加番30分鐘再交待清楚某D細節.  另外, 睇得出演員無論影帝級至演技派(柴九, 黃日華等)至新扎(法拉, 長腳蟹等)都有用心演, Budget唔夠可能真係唔敢太大投資, 話哂電視搬成電影, 點都有風險, 但值得體諒.  喺無乜期望下去睇完套戲, 我會比7.5分.  講真, 真係好過嗰套話自己劇本寫左幾多年, 誓神劈願話冇抄人, 但拍到鬼五馬六重死賴話觀眾唔識欣賞嘅<<殺人犯>>.

falafan

http://hongkongfilms.mysinablog. ... p;articleId=1884744

《Laughing Gor之變節》午夜場當旺
Ryan | 15th Aug 2009 | 講鏟現象



由邵氏與TVB合作的《Laughing Gor之變節》開畫首天錄得106萬的佳績，即使翌日票房仍過百萬，成績算是理想。電影除了在正場錄得不俗正績外，午夜場亦十分當旺。

上圖所見，便是電影於周四晚分別在旺角UA朗豪坊及旺角百老匯分別於開場前半小時及一小時的「盛況」，可見其電影入座率已逾九成。相信跟電影的古惑仔題材及其電視改篇吸引了不少旺角區的午夜場觀眾所致。



事實上，從周四晚的午夜場來看，《Laughing Gor之變節》於六家戲院的午夜場達五萬多，當中旺角區的UA朗豪坊及旺角百老匯分別錄得萬二及萬五的成績，比起該兩家戲院播放其他午夜場電影至少多出一倍。不過令人意想不到的是屯門的巴倫紐米午夜場竟然也有逾三千收入。

也許是開畫理想的關係，難怪很多戲院抱著商業原則將電影於周末加場加院播放了。

falafan

现在基本上是可以下结论了，对普通观众来说，大部分觉得是部好看的电影，对电影爱好者和影评人来说，是部很一般的电影。黄秋生可以算是有赞无弹，其次是吴镇宇，两位名义上的男女主角就或多或少都被人抢了点戏，谢天华有两位影帝抢，法拉就有吕慧仪，男女主角从造型和角色性格上来看，都不是特别突出的，其他三位光造型就够突出了，一站出来就让人觉得很型，注定是抢戏的。大部分都说黄秋生是第一男主角，如果是这样，也难怪人觉得吕慧仪更像女主角。整部电影，赞的最多的就是黄秋生和吴镇宇跟法拉的兄妹情。法拉有赞的也有弹的，目前来说，赞的居多，吕慧仪就很多观众觉得很型很突出，应该就是原来爱上贼里那种突出法。

falafan

我今天早上也看了这个电影...
可以在这裡分享感想吗？
Panda_cj 发表于 2009-8-16 00:32

可以，如果是长篇的话可以单独开个主题帖来分享

falafan

感觉法拉跟谢天华的感情戏都没被人提起过。。。
vickylove 发表于 2009-8-16 00:33

感情戏很少，令人印象不深。感情戏应该没什么发挥，有发挥的地方应该主要是跟吴镇宇在一起的戏份。