法拉城-陈法拉网站

标题: 2007-5-12陳法拉萬誘引力 [打印本页]

作者: falafan 时间: 2007-5-12 09:08:58 标题: 2007-5-12陳法拉萬誘引力

陳法拉萬誘引力
太陽報12/05/2007 文： Jobbie

近日私底下做了非正式統計，要圈中型男選出至索女藝人，結果陳法拉以大比數勝出。到底「索女」應具備甚麼條件？以為陳法拉活色生香，原來她只是悶蛋一名，「索」對於她來說，純粹是一個帶有正面意思的讚美字眼。

陳法拉對「索」字有以下解說：「我聽人講過話係吸引嘅意思，不過我唔知道點解，係咪讚美嘅意思？應該係Positive（正面）嘅！老實講，我覺得自己只係一個好普通嘅女仔，由細到大，都冇人讚過我靚，讀大學時，冇同學讚過我，屋企人亦冇，就連讚一句身材好都冇，只係話我身材幾均勻。我係嗰啲食極都唔肥嘅人，只能夠講，對於自己嘅身形，我冇唔滿意嘅地方。」

法拉的身形均勻，她表示有一年，突然長高了幾吋，往後便有朋友推薦她選美，但直至今時今日，她仍會說：「我覺得男仔同女仔睇靚女係有分別嘅，直至我參加選美，先知道靚係咩一回事，尤其化妝同唔化妝，原來可以好唔同，不過我覺得自己都冇乜特別。」不過，「冇乜特別」的她，卻贏了加州華裔小姐冠軍，再贏到香港。

生大食積

以為性感女神應該是活色生香，但法拉卻是個悶蛋，她說：「我份人好靜，同工作時嘅我好唔同，做嘢嗰陣可以好熱情、好開心，但返到屋企，我就唔鍾意Social，有時間我寧願去超級巿場買餸煮飯。我鍾意做日本菜同意大利菜，喺呢方面，媽咪就有讚過我，因為我煮西餐叻過佢，中餐又唔係好難倒我。」

若要找與其他女孩子不同的地方，相信是法拉非一般的食量：「我可以食兩個飯盒，比一般女仔食得多，之前拍《溏心風暴》時，因為有好多喺屋企拍嘅戲份，我哋就不斷食道具飯餸，要導演勒令，我哋先肯停止唔食，你話我幾鍾意食嘢。」

大學高材生

陳法拉14歲開竅，突然不再男仔頭周街走，而且開始認真讀書，她的勤奮，令她成功考上美國Top 10大學，而整個大學課程都是拿獎學金，沒有要過屋企一分一毫。「可能當時開始懂事，識得為自己計劃將來，當年讀大學揀咗Business呢一科，而大學嘅幾年，我都係喺Scholarship同埋打工賺錢交學費，所以我決定入娛樂圈做演員，好多朋友都好愕然，不過我好開心，雖然做藝人好似有好多掣肘，但創作過程令人好Free，可以着唔同嘅衫、演唔同角色，不斷Experienced life。」

一索得男

卡拉OK太子爺薛世恒
法拉首位緋聞男友，被拍得跟她逛超級巿場，但她強調二人只是朋友，不會因為緋聞而斷絕來往。

黃宗澤
合作拍劇集《溏心風暴》而傳出緋聞，但法拉澄清二人只是拍劇時才有聯絡，其後就連電話亦沒有通過。

陳豪
法拉表示對方就如劇中的大哥哥一樣，合作時給予她不少意見。

陳法拉Fala Profile

年　　齡：25
出生日期：2月24日
身　　高：5呎7吋
體　　重：108磅
三　　圍：33、24、33
興　　趣：旅行、睇書、睇電影
學　　歷：美國Emovy University主修國際商業及巿場學
入行經過：05年從紐約來港參加國際華裔小姐競選贏得亞軍
參與劇集：法證先鋒、溏心風暴、師奶兵團、舞動全城、通天幹探

陳法拉雖是男士心目中的天使，但她謙稱自己「冇乜特別」！

作者: 芷凌 时间: 2007-5-13 13:59:21

如果我係男人,我都会拣FALA~

作者: 任白迷 时间: 2007-5-18 16:59:00

我最最最爱法拉!!!

作者: 小苏 时间: 2007-5-18 23:03:53 标题: 爱死...

爱死人吾俾钱.
呵..我系广东顺德架!

作者: Ive-jin 时间: 2007-5-27 18:43:10

法拉很PL~！记得那个时候就知道华姐里出了个大美人~恩加油啊力挺你

作者: wore116050362 时间: 2007-6-6 22:07:54

法拉好美丽，~~~~

好有吸引力

作者: 最爱FaLa 时间: 2007-6-6 23:31:00

FaLa的确拥有万诱引力

作者: vaness105 时间: 2007-6-7 04:19:23

法拉加油！！

作者: huhu2090 时间: 2007-6-8 13:21:50

形象无比的好~~~

支持支持

欢迎光临法拉城-陈法拉网站 (http://www.falachen.org/bbs/)