falafan 发表于 2011-7-24 08:46:10

2011-7-24法拉幸福宣言：生夠兩個

法拉幸福宣言：生夠兩個
東方日報2011-07-24
女人終極目標是找個好歸宿，若然入得廚房又出得廳堂，於另一半心中定必加分，陳敏之眼中，煮得一手好菜的陳法拉絕對是筍盤，感情生活美滿幸福的法拉已計劃好將來，生兩個小朋友，並以一生的精力培育他們。
http://orientaldaily.on.cc/cnt/entertainment/20110724/photo/0724-00282-043b1.jpg敏之（右）和法拉感情深厚，是圈中難得的好姊妹。
之：陳敏之 拉：陳法拉
初來甫到 貓癡結緣
之：當年你選完華姐加入無綫，我哋同一經理人，不過你人生路不熟，屋企人又唔喺香港，所以經理人叫我照顧吓你，我仲記得攞過啲衫畀你添！http://orientaldaily.on.cc/cnt/entertainment/20110724/photo/0724-00282-043b2.jpg和男友薛世恒沐浴在幸福中的法拉，已計劃好生兒育女。
拉：係呀，因為我喺美國成日着背心、短褲同拖鞋，你就話藝人唔可以咁。
之：其實我哋唔係好多時合作，不過你好好，會記得一啲細微嘢，知道我鍾意邊隻牌子Lip Gloss，咁啱你有個牌子贊助，就特登留番支畀我，好窩心。
拉：哈哈！朋友有時唔使成日見，我同你有共同話題，就係一樣都鍾意貓，如果要我形容自己一定唔係街貓，雖然大家都好Tough同獨立，咁街貓會惡、出抓，我就鍾意喺屋企（外冷內熱？）都係，好多人覺得我比較冷，其實如果啱Key就好熱情。http://orientaldaily.on.cc/cnt/entertainment/20110724/photo/0724-00282-043b3.jpg陳敏之大讚法拉廚藝了得，能俘虜男人心。http://orientaldaily.on.cc/cnt/entertainment/20110724/photo/0724-00282-043b4.jpg陳法拉當年參選華姐加入無綫，喜獲陳敏之提點照顧。http://orientaldaily.on.cc/cnt/entertainment/20110724/photo/0724-00282-043b5.jpg陳法拉大嘆藝人拍拖成焦點，沒安全感。
全能煮婦 專心湊仔
之：你畀我感覺係個好老婆，煮嘢食好叻，又成日鑽研，真係好爆，無啦啦凌晨時分整Pizza。
拉：哈哈哈，咁半夜冇得出去食飯，有時凌晨3、4點收工返屋企好肚餓，就會周圍搵嘢食，當雪櫃乜都冇，就會去櫃度搵食材，咁平日我好鍾意買定，好似日本麵粉之類，有時加隻雞蛋就可以整架嘞！
之：咁你點識？睇書定係搵人教？
拉：有買書學，媽咪都係煮嘢食好叻，我細細個就跟媽咪切嘢（最叻係煮咩？）紅燒牛肉麵，由燉到炆都係自己搞，整到啲肉夠腍，麵嘅質感要啱啱好，仲有撈埋汁，好多朋友食過都話我可以開舖頭，咁西餐我都識得煮嘅。
之：真係入得廚房，出得廳堂喎！搵日真係要去你屋企食飯，學吓點做好老婆，你真係好全能。
拉：其實好簡單，不過Pizza我都係學緊整層皮，未Fing到，屋企嘅焗爐又細又唔夠熱，所以整唔到個批上面乾下面脆。
之：你會唔會生小朋友？
拉：會，我鍾意小朋友，不過呢個責任太大，要好有心機，係一門好深學問，當年媽咪湊大我都用咗好多精力，雖然我係獨女，但將來我就想生兩個，因為兩個會好玩啲，一個就比較靜。
http://orientaldaily.on.cc/cnt/entertainment/20110724/photo/0724-00282-043b6.jpg敏之承認感情穩定，男友已習慣被傳媒拍照。
維繫感情 絕不容易
之：啲人成日話陳豪係筍盤，我覺得你都係女性筍盤之一，都冇乜邊幾個嘞！
拉：我都好耐冇Update過你啲感情事，係咪仲係嗰個先？
之：係吖！咪又係以前嗰個囉！幾開心，你呢？
拉：我都係咁樣啦！
之：覺唔覺做藝人維繫感情比普通人難？我就覺得係囉！
拉：都會，不過依家我唔會介意出面點評論，只要自己兩個人心知就得，冇咩受影響，不過拍拖出街，又或者去沙灘行吓就冇咁自由，真係要去外國旅行囉！香港Privacy會少啲。
之：我男朋友由唔慣，到依家適應晒畀人影，某程度佢似藝人多過我。
拉：出街食飯畀人影又冇咩嘢，都影過幾次，同藝人拍拖食飯，做藝人嗰個一定係背住坐，截的士永遠唔係藝人，如果女方係藝人會好啲，相反女方係圈外人，就會尷尬啲。
之：你男朋友都算係半個圈中人，對慣鏡頭會唔會好啲？
拉：其實佢都唔習慣，因為佢比較怕醜係一個靜人，突然有部相機對住佢影會好緊張。
之：香港太有壓迫感，唔會喺街拖手，要拖就喺屋企拖囉！
拉：依家科技太發達，有時手機影咗你相都唔知，好似喺街拍戲，轉頭喺網上已經見到。
娛圈複雜 難得知心
之：我覺得你係聰明女，永遠都係做自己嘢，唔會埋堆，又唔會隨波逐流，好啱做娛樂圈，因為呢個圈都幾複雜，可以話個個都係你朋友，但未必個個真心對你。
拉：初初我唔識粗口，係聽你講囉！你份人好直，我唔識廣東話你又教我。
之：咁我唔識國語你都有教我點發音啦！互相幫忙啫！可以做到朋友係一種緣分，朋友可以好多，但真心嘅幾個就夠，呢幾年我睇住你愈來愈好，人又開心，講廣東話成個香港人咁，真係進步好多。
場地：Pokka Cafe @ 厚德商場服裝：Juicy Couture陳敏之化妝： 木子髮型：Van Chan @ Hair陳法拉化妝：Annie G.髮型：Debby Kwan @ Hair文：影視組　攝：劉智源

falafan 发表于 2011-7-24 08:48:17

占

falafan 发表于 2011-7-24 08:48:30

占

wangzilin 发表于 2011-7-24 09:14:06

生两个囡囡几好:panda60:
女性筍盤:panda73:

Jessie828 发表于 2011-7-24 10:24:16

哈哈！…厚德？幾時訪問架？

vickylove 发表于 2011-7-24 11:31:19

怎么感觉是陈敏之在采访法拉:panda09:

两个小孩:panda13:

LingYen 发表于 2011-7-24 12:08:59

生2個小孩 :panda07:

fongfong1995 发表于 2011-7-24 12:21:19

生兩個小朋友！haha

心仪 发表于 2011-7-24 13:39:47

兩位好姐妹。。

Next忆 发表于 2011-7-24 14:16:00

生两个 一男一女吗:panda41:
看上去两人感情好好 啧啧

阿兜阿兜 发表于 2011-7-24 14:46:00

我都觉得系敏之采访法拉多滴:panda27:
法拉太中意自爆鸟，反问下人地喇嘛

momoamos 发表于 2011-7-24 16:48:06

生兩個這麼少:panda02:,我還以為會是籃球隊:panda73:

wangzilin 发表于 2011-7-24 16:56:21

momoamos 发表于 2011-7-24 16:48 static/image/common/back.gif
生兩個這麼少,我還以為會是籃球隊

哇去   算后补么  

那:panda61:  有排生:panda73:

momoamos 发表于 2011-7-24 17:01:23

本帖最后由 momoamos 于 2011-7-24 17:01 编辑

wangzilin 发表于 2011-7-24 16:56 static/image/common/back.gif
哇去   算后补么  

那  有排生

來個STARTING就好了,BENCH神馬的不需要了哈哈:panda36:
其實人們常說生隊足球隊是大錯特錯的,因為一隊足球隊有23人:panda27:

you520 发表于 2011-7-24 18:18:53

法拉未雨绸缪，我想BB像法拉多些:panda35:

Joelle 发表于 2011-7-24 22:20:30

Hahaa... i like this interview. So sweet.
相信法拉和敏之即將合演的 鍾無艷 一定會拍得很開心. {:6_435:}

ccue 发表于 2011-7-24 22:24:46

Your daughter must be very pretty,haha

ylill 发表于 2011-7-24 22:34:28

好啊，法拉难得说这些！看得出来两个关系真是很好，不过都要谢谢敏之对法拉的照顾了！:panda01:

如如 发表于 2011-7-24 23:30:04

生兩個:panda60:

tdy89 发表于 2011-7-25 03:55:54

如果没有读这篇报道，我还不知道她们是这么好姐妹！& I want to be the Godmother of Fala's babies!! :panda25:
页: [1] 2
查看完整版本: 2011-7-24法拉幸福宣言：生夠兩個